ISIFUNDO 14
Singamkhonza Njani UNkulunkulu Ngendlela Ayifunayo?
Esifundweni esidlulileyo sibonile ukuthi ayisiwo wonke amasonto athokozisa uNkulunkulu. Esifundweni lesi uzananzelela ukuthi kulendlela yokukhonza ethokozisa uNkulunkulu futhi lawe ungenelisa ukuyilandela. Yiphi “indlela yokukhonza [kumbe inkolo]” eyamukelwa nguNkulunkulu? (UJakhobe 1:27, amabala angaphansi) Ake sixoxe ngokutshiwo liBhayibhili ngendaba le.
1. Singayazi njani indlela eqondileyo yokukhonza uNkulunkulu?
IBhayibhili liyasitshela indlela uNkulunkulu afuna ukukhonzwa ngayo. UJesu wakhuleka kuYise wathi: “Ilizwi lakho liliqiniso.” (UJohane 17:17) Amanye amasonto kawalandaba leqiniso elivela kuNkulunkulu eliseLizwini lakhe iBhayibhili kodwa aqakathekisa amasiko lalokho okufundiswa ngabantu. UJehova kathokozi ngitsho nxa abantu ‘bengalaleli imilayo yakhe.’ (Bala uMakho 7:9.) Kodwa uthokoziswa yikusibona silandela lokho asitshela khona eBhayibhilini.
2. Kumele simkhonze njani uJehova?
UJehova nguMdali wethu, yikho kumele simthande njalo sikhonze yena yedwa. (ISambulo 4:11) Lokhu kutsho ukuthi akumelanga sisebenzise izithombe loba ezinye izinto nxa simkhonza.—Bala u-Isaya 42:8.
Ukukhonza kwethu kumele kube ‘ngcwele njalo kwamukeleke’ kuJehova. (KwabaseRoma 12:1) Lokhu kutsho ukuthi kumele silalele imithetho asinika yona. Ngokwesibonelo, kumele silandele imithetho yakhe emayelana lomtshado. Kanti njalo kumele sibalekele imikhuba eyingozi enjengokubhema, ukudakwa lokusebenzisa izidakamizwa. a
3. Kungani kumele sikhonze uJehova sindawonye labanye?
Imihlangano esiba layo maviki wonke isinika ithuba ‘lokudumisa uJehova ebandleni.’ (IHubo 111:1, 2) Eyinye indlela esimdumisa ngayo emihlanganweni yethu yikuhlabela. (Bala iHubo 104:33.) UJehova ufuna siyingene imihlangano le ngoba uyasithanda njalo uyakwazi ukuthi izasinceda sithokoze kuze kube nini lanini. Ukungena imihlangano kusinika ithuba lokuthi sikhuthazane.
GEBHA UJULE
Engxenyeni le uzabona ukuthi kungani uJehova engafuni sisebenzise izithombe nxa simkhonza. Uzafunda langezinye izindlela eziqakathekileyo esingadumisa ngazo uNkulunkulu.
4. Akumelanga sisebenzise izithombe
Kungani ukusebenzisa izithombe kungamthokozisi uNkulunkulu? Bukelani IVIDIYO beselixoxa ngombuzo olandelayo.
-
UJehova wezwa njani ngesikhathi ama-Israyeli ekhonza izithombe?
Abanye abantu bathi ukusebenzisa izithombe kuyabanceda ukuthi basondele kuNkulunkulu. Kodwa ukwenza njalo akubasondezi ngitsho lakancane kuNkulunkulu. Bala u-Eksodusi 20:4-6 leHubo 106:35, 36 beselixoxa ngemibuzo elandelayo:
-
Yiziphi izithombe loba ezinye izinto oyake ubone abanye bezisebenzisa nxa bekhonza?
-
UJehova uthini ngezithombe?
-
Wena ukubona njani ukusetshenziswa kwezithombe ekukhonzeni?
5. Ukukhonza uJehova kuyasikhulula ezimfundisweni ezingamanga
Bukela ividiyo le ubone ukuthi ukukhonza uJehova ngendlela ayifunayo kusikhulula njani ezimfundisweni ezingamanga. Bukelani IVIDIYO.
Bala iHubo 91:14 beselixoxa ngombuzo lo:
-
UJehova ubathembisani labo abamthandayo labakhonza yena yedwa?
6. Imihlangano yebandla isinika ithuba lokukhonza uNkulunkulu
Nxa siphendula njalo sihlabela emihlanganweni yebandla siyabe sidumisa uJehova futhi sikhuthaza abanye. Bala iHubo 22:22 beselixoxa ngemibuzo elandelayo:
-
Uyakukholisa yini ukuzwa izimpendulo zabanye emihlanganweni yethu?
-
Ungenzani ukuze lawe wenelise ukuphendula emihlanganweni yethu?
7. UJehova uyathokoza nxa sitshela abanye esikufundayo
Zinengi indlela esingazisebenzisa ukuze sitshele abanye iqiniso eliseBhayibhilini. Bala iHubo 9:1 lo-34:1 beselixoxa ngombuzo olandelayo:
-
Kuyini okufunde eBhayibhilini ofisa ukukutshela omunye umuntu?
ABANYE BATHI: “UNkulunkulu uqakathekisa okusenhliziyweni, kalandaba lokuthi simkhonza njani.”
-
Wena uthini?
ISIFINQO
Sithokozisa uNkulunkulu ngokukhonza yena yedwa, ngokumdumisa emihlanganweni yebandla langokutshela abanye esikufundayo.
Ufundeni?
-
Singayazi njani indlela eqondileyo yokukhonza uJehova?
-
Kungani kumele sikhonze uJehova kuphela?
-
Kungani kumele sikhonze uJehova sindawonye labanye?
THOLA OKUNENGI
Bala isihloko lesi uzwe ukuthi kuyini okwenza omunye umama watshiya ukukhonza izithombe.
“Sengatshiyana Lokukhonza Izithombe” (INqabayokulinda, July 1, 2011)
Bala isihloko lesi uzwe ukuthi ungenzani nxa ufuna ukuphendula emihlanganweni yebandla.
“Dumisa UJehova Phakathi Kwebandla” (INqabayokulinda, January 2019)
Bukela ividiyo le ubone ukuthi ukungena imihlangano kwamnceda njani omunye lanxa kwakunzima ukwenza njalo.
Abantu abanengi bakholwa ukuthi isiphambano luphawu olutshengisa ukuthi umuntu ungumKhristu. Bala isihloko lesi uzwe ukuthi iBhayibhili lithini ngendaba le.
“Kungani OFakazi BakaJehova Bengasebenzisi Isiphambano?” (Isihloko esikuwebhusayithi yethu)
a Sizaxoxa ngalokhu ezifundweni eziphambili.
Nanku Okunye
IMIBUZO EJAYELE UKUBUZWA NGABANTU
OFakazi BakaJehova Babafundisa Njani Abantu IBhayibhili?
Uhlelo lokufunda iBhayibhili laboFakazi bakaJehova ngolwamahala njalo ukhululekile ukusebenzisa iBhayibhili olijayeleyo kanye lokunxusa izihlobo labangane ukuthi labo bafunde lindawonye.
