Sengikulungele Yini?
Sengikulungele Yini Ukuba Ngummemezeli?
Ungabe usukulungele ukuba ngummemezeli ongabhabhathizwanga nxa . . .
Ubala iBhayibhili nsuku zonke, uthandaza njalo ungena yonke imihlangano yebandla.
Usukukholwa okufunda eBhayibhilini njalo usuzimisele ukukuxoxela abanye.
Umthanda uJehova futhi ukhetha abangane abamthandayo.
Usuphume waphela kwezombusazwe lasesontweni obuyingena.
Uphila ngendlela uJehova afuna siphile ngayo njalo usuzimisele ukuba nguFakazi kaJehova.
Nxa ubona angani usukulungele ukutshumayela labanye ebandleni, cela lowo okufundisa iBhayibhili ukuthi atshele abadala ukuze baxoxe lawe.
Sengikulungele Yini Ukubhabhathizwa?
Ungabe usukulungele ukubhabhathizwa nxa . . .
Usungummemezeli ongabhabhathizwanga.
Usenza konke okusemandleni akho ukuthi utshumayele.
Usekela ‘inceku ethembekileyo lehlakaniphileyo’ futhi ulandela konke ekutshoyo.—UMathewu 24:45-47.
Usuzinikele kuJehova ngokuthandaza kuye umthembisa ukuthi uzamkhonza kuze kube nini lanini.
Nxa ubona angani usukulungele ukubhabhathizwa, cela lowo okufundisa iBhayibhili ukuthi atshele abadala ukuze baxoxe lawe.
