UMakho 16:1-8
-
UJesu uvuswa kwabafileyo (1-8)
16 ISabatha lathi selidlulile, uMariya Magadalena loSalome kanye loMariya unina kaJakhobe bathenga amakha ukuze bayegcoba isidumbu sakhe.
2 Kwasekusithi ekuseni kakhulu, ngelanga lokuqala leviki, baya ethuneni bafika ilanga lisanda kuphuma.
3 Babuzana besithi: “Manje ngubani ozasigiqela ilitshe alisuse entubeni yethuna?”
4 Kodwa bathi besithi mehlo suka, babona ukuthi ilitshe laselisusiwe lanxa lalilikhulu kakhulu.
5 Bangena ethuneni, bethuka bebona kulejaha elihlezi kwesokudla ligqoke ijazi elimhlophe.
6 Lathi kubo: “Lingethuki. Angithi lidinga uJesu umNazaretha obulewe ngokubethelwa esigodweni? Uvusiwe. Kakho lapha. Khangelani, bebembeke lapha.
7 Kodwa hambani liyetshela abafundi bakhe kanye loPhetro lithi, ‘Uzaliqalela ukuya eGalile. Lizambona khonale njengoba walitshela.’”
8 Ngakho bathi bephuma ethuneni babaleka beqhuqha, bemangele bengaselalankani. Kabazange batshele muntu ngenxa yokuthi babesesaba.*
Amabala angaphansi
^ Imibhalo yendulo yokuqala ethenjwayo iveza ukuthi iVangeli likaMakho liphelela kuvesi 8.
