IHubo 27:1-14
Ihubo likaDavida.
27 UJehova uyikukhanya kwami+ lomsindisi wami.
Kambe ngubani engingamesaba?+
UJehova uyinqaba evikela impilo yami.+
Ngizakwesaba bani?
2 Abantu ababi abangizondayo bathi bengihlasela befuna ukungitshabalalisa,+Bakhubeka bawa.
3 Lanxa amabutho engamisa inkamba efuna ukungihlasela,Angisoze ngesabe.*+
Lanxa kungaze kuvuke impi ngihlaselwe,Ngizaqhubeka ngilethemba.
4 Ngicele into eyodwa zwi kuJehova,Njalo yiyo engiyifisayo.
Ngifisa ukuhlala endlini kaJehova okwempilo yami yonke,+Ukuze ngibone ubuhle bukaJehova,Njalo ngikholise ukubuka* ithempeli lakhe.*+
5 Uzangicatshisa endaweni yakhe ngosuku lokuhlupheka,+Angifihle endaweni esithekileyo etendeni lakhe.+
Uzangibeka phezulu esiqongweni sedwala.+
6 Khathesi sengizinqobile izitha zami* ezingigombolozeleyo.
Ngizanikela imihlatshelo etendeni lakhe ngentokozo enkulu,Ngihlabele ngimdumise uJehova.
7 Awu Jehova, ngilalela nxa ngikhala kuwe,+Woba lomusa kimi ungiphendule.+
8 Enhliziyweni yami ngikhumbula amazwi akho athi:
“Dingani ukwamukelwa yimi.”*
Yikho ngizakudinga ukwamukelwa nguwe, awu Jehova.+
9 Ungangifihleli ubuso bakho.+
Ungayixotshi ngolaka inceku yakho.
Wena ungumsizi wami,+Ungangilahli futhi ungangitshiyi, awu Nkulunkulu wami ongisindisayo.
10 Lanxa ubaba lomama bengangilahla,+UJehova yena uzangamukela.+
11 Ngifundisa indlela yakho, awu Jehova,+Ngikhokhela endleleni yokulunga ngoba ngihanqwe yizitha.
12 Unganginikeli ezitheni zami.+
Phela sekulabantu abafakaza amanga ngami,+Bayangisongela befuna ukungilimaza.
13 Kambe bengizakuba yini aluba bengingakholwaUkuthi ngizabubona ubuhle bukaJehova ngisaphila?*+
14 Themba uJehova,+Qina ube lesibindi.+
Mthembe uJehova.
Amabala angaphansi
^ NgesiHebheru, “Inhliziyo yami ayisoze yesabe.”
^ Kumbe, “ngicabangisise nxa ngibuka.”
^ Kumbe, “indawo yakhe engcwele.”
^ NgesiHebheru, “ikhanda lami seliphezu kwezitha zami.”
^ NgesiHebheru, “ubuso bami.”
^ Ezinye inguqulo zithi, “Ngilokholo lokuthi ngizakubona ukulunga kukaJehova elizweni labaphilayo.”
