IHubo 34:1-22
Ihubo likaDavida, ngesikhathi ezenza umuntu ohlanyayo+ phambi kuka-Abhimeleki, u-Abhimeleki wasemxotsha.
א [Aleph]
34 Ngizamdumisa uJehova zikhathi zonke,Ngizahlala ngimdumisa ngomlomo wami.
ב [Beth]
2 Ngizazigqaja ngoJehova,+Abamnene bazangizwa bathokoze.
ג [Gimel]
3 Asimdumiseni ndawonye uJehova,+Asiliphakamiseni kanyekanye ibizo lakhe.
ד [Daleth]
4 Ngathandaza kuJehova wangiphendula.+
Wangikhulula kukho konke engangikwesaba.+
ה [He]
5 Ubuso balabo ababekhangele kuye bakhazimula,Akukho lokukodwa okwabenza bayangeka.
ז [Zayin]
6 Ngathi ngisekuhluphekeni ngambiza uJehova, wangizwa.
Wangikhulula kubo bonke ubunzima engangikubo.+
ח [Heth]
7 Ingilosi kaJehova iyabalinda bonke abamesabayo,+Njalo iyabakhulula.+
ט [Teth]
8 Nambithani libone ukuthi uJehova muhle,+Uyathokoza umuntu ophephela kuye.
י [Yod]
9 Mesabeni uJehova lina lonke abangcwele,Ngoba abamesabayo abasweli lutho.+
כ [Kaph]
10 Lanxa izilwane zilamandla, zingaswela ukudla zilambe,Kodwa labo abadinga uJehova abasoze baswele lutho oluhle.+
ל [Lamed]
11 Wozani kimi bantwabami, lingilalele.
Ngizalifundisa ukwesaba uJehova.+
מ [Mem]
12 Ngubani phakathi kwenu ofuna ukukholisa impilo,Lofisa ukuphila isikhathi eside ukuze abone okuhle?+
נ [Nun]
13 Bamba ulimi lwakho lungakhulumi okubi,+Njalo ungaqili abanye ngomlomo wakho.+
ס [Samekh]
14 Fulathela okubi wenze okuhle.+
Dinga ukuthula, uzimisele ukukulondoloza.+
ע [Ayin]
15 Amehlo kaJehova akhangele abalungileyo,+Lendlebe zakhe ziyezwa ukukhala kwabo becela uncedo.+
פ [Pe]
16 Kodwa uJehova uyabazonda labo abenza okubi,Uzababhubhisa bangaphindi bakhunjulwe emhlabeni.+
צ [Tsade]
17 Abalungileyo bakhala, uJehova wezwa,+Wasebakhulula kubo bonke ubunzima ababephakathi kwabo.+
ק [Qoph]
18 UJehova useduze lalabo abalenhliziyo ezidabukileyo,+Uyabasiza abadanileyo.*+
ר [Resh]
19 Zinengi inhlupho ezingehlela umuntu olungileyo,+Kodwa uJehova uyamkhulula kuzo zonke.+
ש [Shin]
20 Uyawavikela wonke amathambo akhe,Alikho lelilodwa elizakwephulwa.+
ת [Taw]
21 Abaxhwalileyo bazakwehlelwa ngokubi bafe,Abazonda abalungileyo bazatholakala belecala.
22 UJehova uyabakhulula abantu bakhe,Akulamuntu ophephela kuye ozatholakala elecala.+
Amabala angaphansi
^ Kumbe, “abaphakathi kosizi.”
