IHubo 44:1-26
Kumqondisi wokuhlabela. Ihubo lamadodana kaKhora.+ Imaskili.*
44 Awu Nkulunkulu, sazizwela ngendlebe zethu,Okhokho bethu besilandisela+Lokho owakwenza ngensuku zabo,Kudaladala.
2 Ngesandla sakho waxotsha izizwe elizweni lazo,+Wasuhlalisa okhokho bethu.+
Wanqoba izizwe wazixotshela khatshana.+
3 Ilizwe abalithathanga ngenkemba zabo,+Abanqobanga ngamandla abo.+
Kodwa banqoba ngengalo yakho+ langesandla sakho sokudla kanye lomusa wakho,*Ngoba wawubathanda.+
4 Awu Nkulunkulu, wena uyiNkosi yami.+
Yenza ukuthi uJakhobe azinqobe zonke izitha zakhe.*
5 Ngamandla akho sizazixotsha izitha zethu,+Ngebizo lakho sizabanyathenyathela labo abalwa lathi,+
6 Ngoba angizange ngithembele emtshokweni wami,Lenkemba yami ngeke ingisindise.+
7 Nguwe owasisindisa ezitheni zethu,+Wayangisa labo abasizondayo.
8 Sizakudumisa ilanga lonke Nkulunkulu,Ibizo lakho sizalidumisa kuze kube nini lanini. (Selah)
9 Kodwa khathesi usilahlile wasenza sayangeka,Awusawakhokheli amabutho ethu.
10 Uvumela ukuthi izitha zethu zisixotshanise,+Abasizondayo bathatha loba yini abayifunayo.
11 Uyekela izitha zethu zisibulala angathi zibulala izimvu,Uyasichithachitha phakathi kwezizwe.+
12 Uthengisa abantu bakho ngentengo ephansi kakhulu,+Awutholi nzuzo ngokubathengisa.*
13 Ususenze saba lihlazo kubomakhelwane bethu,Bonke abasihanqileyo bayasihleka futhi bakhuluma kubi ngathi.
14 Ususenze saba yinhlekisa phakathi kwezizwe,+Nxa abantu besibona banikina amakhanda.
15 Ilanga lonke ngizizwa ngiyangekile,Ngiswele lokuthi ngicatshe ngaphi ngenxa yenhloni,
16 Ngoba bayasihleka futhi bayasithethisa,Izitha zethu ziyaphindisela.
17 Lanxa konke lokhu kusehlele asikukhohlwanga,Asisephulanga isivumelwano sakho.+
18 Inhliziyo zethu aziphambukanga,Inyawo zethu aziphumanga endleleni yakho.
19 Kodwa wena usichobozile saba yikudla kwamakhanka,Wasembesa ngomnyama omkhulu.
20 Nxa silikhohliwe ibizo likaNkulunkulu wethu,Nxa siphakamisa izandla sithandaza kunkulunkulu wezizweni,
21 UNkulunkulu ngeke akubone yini lokho?
Phela uyazazi imfihlo ezisenhliziyweni.+
22 Nsuku zonke sikhangelana lokufa ngenxa yokuthi singabakho,Sebesibona angathi siyizimvu zokuhlatshwa.+
23 Vuka awu Jehova. Kungani uqhubeka ulele?+
Vuka! Ungasilahli kokuphela.+
24 Kungani usifihlela ubuso bakho?
Kungani ukhohlwa ukuthi siyahlupheka lokuthi siyacindezelwa?
25 Silahlelwe phansi emhlabathini,Sithe daca phansi.+
26 Vuka usincede!+
Sikhulule* ngoba ulothando oluqotho.+
Amabala angaphansi
^ Khangela iNgcazelo Yamabala.
^ NgesiHebheru, “lokukhanya kobuso bakho.”
^ Kumbe, “asinde.”
^ Kumbe, “ngentengo obathengise ngayo.”
^ NgesiHebheru, “Sihlenge.”
