IHubo 51:1-19
Kumqondisi wokuhlabela. Ihubo likaDavida alihlabela ngemva kokulandwa nguNathani umphrofethi. Ngalesosikhathi uDavida wayefebe loBhathishebha.+
51 Awu Nkulunkulu wami, woba lomusa kimi ngoba ulothando oluqotho.+
Yesula izono zami ngenxa yokuthi ulesihawu esikhulu.+
2 Ngigezisa ususe isiphambeko sami,+Ungihlambulule esonweni sami,+
3 Ngoba ngizazi mhlophe iziphambeko zami,Lesono sami sihlezi siphambi kwami.*+
4 Nguwe engikonele kakhulu,+Ngenze okubi phambi kwakho.+
Ngakho wena uqondile nxa ukhuluma,Isahlulelo sakho silungile.+
5 Ngazalwa ngilesono,Ngavele ngaba yisoni+ ngiqalisa nje ukuba khona esiswini sikamama.
6 Wena uthokoziswa ngumuntu oqotho enhliziyweni,+Fundisa inhliziyo yami ukuhlakanipha kweqiniso.
7 Ngihlambulula esonweni sami ngehisophi* ukuze ngihlanzeke,+Ngigezisa ngibe mhlophe kulongqwaqwane.+
8 Kwangathi ungangenza ngithokoze futhi ngijabule,Ukuze amathambo ami owachobozileyo athokoze.+
9 Thethelela izono zami,+Wesule zonke iziphambeko zami.+
10 Yenza inhliziyo yami ibe msulwa* awu Nkulunkulu,+Ungenze ngitshintshe indlela engicabanga ngayo+ ukuze ngibe qotho.
11 Ungangixotshi phambi kwakhoNjalo ungawususi kimi umoya wakho ongcwele.
12 Yenza ukuthi ngiphinde ngithokoze ngensindiso yakho,+Ungenze ngizimisele ukukulalela.
13 Ngizafundisa izoni izindlela zakho,+Ukuze ziphenduke kuwe.
14 Awu Nkulunkulu, Nkulunkulu wami ongisindisayo,+ ngikhulula ecaleni lokubulala,+Ukuze ngikhulume ngokulunga+ kwakho ngithokoza.
15 Awu Jehova, vula umlomo wamiUkuze ngikudumise,+
16 Ngoba wena awufuni mhlatshelo, aluba ubuwufuna bengizakunika.+
Awuthokoziswa ngumhlatshelo wokutshiswa.+
17 Umhlatshelo okuthokozisayo yinhliziyo ezisolayo.
Inhliziyo edabukileyo futhi esebuhlungwini awusoze uyilahle,*+ awu Nkulunkulu.
18 Woba lomusa wenzele iZiyoni okuhle,Wakhe imiduli yeJerusalema.
19 Lapho-ke uzathokoziswa yimihlatshelo yokulunga,Imihlatshelo yokutshiswa leminikelo egcweleyo.
Inkunzi zizanikelwa e-alithareni lakho.+
Amabala angaphansi
^ Kumbe, “sisengqondweni yami.”
^ Khangela iNgcazelo Yamabala.
^ NgesiHebheru, “Dala kimi inhliziyo emsulwa.”
^ Kumbe, “uyeyise.”
