IHubo 86:1-17
Umthandazo kaDavida.
86 Ngicela ungilalele* awu Jehova, ungiphendule,Ngoba ngiyahlupheka njalo ngingumyanga.+
2 Vikela impilo yami ngoba ngiqotho.+
Sindisa inceku yakho ethembele kuwe,Ngoba unguNkulunkulu wami.+
3 Woba lomusa kimi, awu Jehova,+Ngoba ngibiza wena ilanga lonke.+
4 Yenza inceku yakho ithokoze,Ngoba ngithembele kuwe Jehova.
5 Phela wena Jehova umuhle+ futhi uzimisele ukuthethelela,+Uhlala ulothando oluqotho kubo bonke abakubizayo.+
6 Awu Jehova lalela umthandazo wami,Ulalele ukukhala kwami nxa ngicela uncedo.+
7 Ngiyakubiza nxa ngisebunzimeni+Ngoba uzangiphendula.+
8 Kakho onjengawe Jehova phakathi kwabonkulunkulu bonke,+Akula owenze imisebenzi efanana leyakho.+
9 Zonke izizwe owazenzayoZizabuya zikhothame phambi kwakho awu Jehova,+Zizalikhazimulisa ibizo lakho,+
10 Ngoba wena umkhulu futhi wenza izinto ezimangalisayo.+
Nguwe wedwa uNkulunkulu.+
11 Ngifundisa indlela yakho Jehova,+Ngizahamba eqinisweni lakho.+
Nginika inhliziyo engaxamalazanga* ukuze ngesabe ibizo lakho.+
12 Ngikudumisa ngenhliziyo yami+ yonke Jehova Nkulunkulu wami,Ngizakhazimulisa ibizo lakho kuze kube nini lanini,
13 Ngoba uthando oluqotho ongitshengise lona lukhulu,Njalo usindise impilo yami ukuze ngingangeni engcwabeni.+
14 Awu Nkulunkulu, abantu abazikhukhumezayo bayangivukela,+Abantu abalesihluku bafuna ukungibulala,Njalo abalandaba lawe.+
15 Kodwa wena Jehova unguNkulunkulu olozwelo* lesihawu,Uyaphuza ukuthukuthela, uhlala uthembekile*futhi ugcwele uthando oluqotho.+
16 Ngikhangela ube lomusa kimi.+
Nika inceku yakho amandla akho,+Usindise indodana yesigqilikazi sakho.
17 Ngitshengisa ubufakazi bobuhle* bakho,Ukuze labo abangizondayo babubone bayangeke,Ngoba wena Jehova uyangisiza futhi uyangiduduza.
Amabala angaphansi
^ Kumbe, “Khothama ungilalele.”
^ Kumbe, “engehlukananga.”
^ Kumbe, “olomusa.”
^ Kumbe, “uleqiniso.”
^ Kumbe, “isibonakaliso sobuhle.”
