IHubo 96:1-13
96 Hlabelelani uJehova ingoma entsha.+
Hlabelelani uJehova lonke lina elisemhlabeni!+
2 Hlabelelani uJehova, lidumise ibizo lakhe.
Memezelani izindaba ezinhle zensindiso yakhe nsuku zonke.+
3 Khulumani ngenkazimulo yakhe phakathi kwezizwe,Litshele bonke abantu ngemisebenzi yakhe emangalisayo.+
4 UJehova mkhulu futhi kumfanele kakhulu ukudunyiswa.
Kumele esatshwe ukwedlula bonke abanye onkulunkulu.
5 Bonke onkulunkulu bezizwe abalancedo,+Kodwa uJehova nguye owenza amazulu.+
6 Ubukhosi lenkazimulo kuphambi kwakhe,+Amandla akhe lobuhle bakhe kusendaweni yakhe engcwele.+
7 Nikani uJehova okumfaneleyo, bantu bezizwe zonke.
Phanini uJehova okumfaneleyo ngoba ulamandla lenkazimulo.+
8 Nikani uJehova inkazimulo efanele ibizo lakhe,+Buyani lezipho lingene emagumeni akhe.
9 Khothamani phambi kukaJehova* ligqoke izigqoko ezingcwele,*Qhaqhazelani phambi kwakhe lonke lina elisemhlabeni!
10 Memezelani phakathi kwezizwe lithi: “UJehova useyiNkosi!+
Umhlaba umiswe waqina, awusoze ususwe endaweni yawo.*
UNkulunkulu uzakwahlulela abantu ngendlela eqondileyo.”+
11 Amazulu kawathokoze lomhlaba ujabule,Aluhlokome ulwandle lakho konke okukulo,+
12 Iganga lakho konke okukulo akuthokoze,+Lezihlahla zonke eziseguswini kazimemeze ngentokozo+
13 Phambi kukaJehova ngoba uyeza,*Uyeza ukuzokwahlulela umhlaba.
Uzakwahlulela bonke abantu abasemhlabeni ngokulunga,+Ahlulele izizwe ngokuthembeka.+
Amabala angaphansi
^ Kumbe, “Khonzani uJehova.”
^ Ezinye inguqulo zithi, “ngenxa yenkazimulo yobungcwele bakhe.”
^ Kumbe, “ngeke wanyikinywa.”
^ Kumbe, “usebuyile.”
