INgoma Yezingoma 1:1-17
-
Ingoma yezingoma (1)
-
Intombi iyakhuluma (2-7)
-
Amadodakazi aseJerusalema ayakhuluma (8)
-
Inkosi iyakhuluma (9-11)
-
“Sizakwenzela imiceciso yegolide” (11)
-
-
Intombi iyakhuluma (12-14)
-
‘Usomoya wami unjengesikhwama semure enukelela kamnandi’ (13)
-
-
Umelusi uyakhuluma (15)
-
“Umuhle sthandwa sami”
-
-
Intombi iyakhuluma (16, 17)
-
Umuhle somoya wami (16)
-
1 Ingoma yezingoma* kaSolomoni:+
2 “Kwangathi angangiqabuza, angiqabuze ngomlomo wakhe,Uthando ongipha lona lewayini lisala phansi.+
3 Amafutha akho anukelela mnandi.+
Ibizo lakho linjengamafutha athululwayo anukelelayo.+
Yikho intombi zikuthanda.
4 Ngithatha sihambe sonke,* kasigijime.
Inkosi ingingenise emakamelweni ayo angaphakathi!
Asithokoze njalo sijabule.
Sibabaze* uthando ongipha lona ngoba lungcono kulewayini.
Baqondile* sibili abakuthandayo.
5 Awu madodakazi aseJerusalema, ngimnyama sibili kodwa ngimuhle,Nginjengamatende aseKhedari,+ njengamalembu amatende+ kaSolomoni.
6 Lingangikhangeli ngoba ngimnyama,Ngenxa yokuthi ngitshiswe lilanga.
Abafowethu bangizondela,Bathi ngiyelinda amasimu amagilebisi,Kodwa eyami insimu angiyilindanga.
7 Ngitshela somoya wami,*Ukuthi uwelusela ngaphi umhlambi wakho,+Ukuthi uwulalisa ngaphi emini.
Kungani kumele ngibe njengowesifazana ovalwe ngeveyili,*Phakathi kwemihlambi yabangane bakho?”
8 “Awu wena olitshatshazi phakathi kwabesifazana, nxa kuyikuthi awukwaziLandela umzila womhlambi,Uyekwelusela amazinyane embuzi zakho eduze kwamatende abelusi.”
9 “Sthandwa sami, ngikufanisa lebhiza* elisikazi phakathi kwezinqola zikaFaro.+
10 Ayisibuhle bezihlathi zakho eziceciswe ngemiceciso,*Lentamo yakho egaxwe amangqongqo.
11 Sizakwenzela imiceciso* yegolide,Enanyekwe ngesiliva.”
12 “Amakha ami* anukelela mnandi,+Ngesikhathi inkosi ihlezi etafuleni yayo eyisigombolozi.
13 Usomoya wami unjengesikhwama semure+ enukelela kamnandi,Esiphakathi kwamabele ami ubusuku bonke.
14 Usomoya wami unjengesixha sehena,+Esiphakathi kwamasimu amagilebisi ase-Eni-gedi.”+
15 “Ayisibuhle bakho sthandwa sami!
Umuhle sthandwa sami! Amehlo akho anjengawamajuba.”+
16 “Awu somoya wami umuhle njalo uyathokozisa.+
Umbheda wethu uphakathi kwamahlamvu.
17 Amapulanka endlu yethu* ngawomsedari,Imithando yophahla lwethu ngeyezihlahla zomjunipha.
Amabala angaphansi
^ Kumbe, “Ingoma enhle kulazo zonke.”
^ NgesiHebheru, “Ngidonsa ngikulandele.”
^ Kumbe, “Asidumise.”
^ Lapha kutshiwo amantombazana.
^ Kumbe, “ngeveyili yokulila.”
^ Kumbe, “wena othandwa ngumphefumulo wami.”
^ Kumbe, “lebhiza lami.”
^ Ezinye inguqulo zithi, “phakathi kwamagoda enwele.”
^ Kumbe, “imiqhele.”
^ NgesiHebheru, “Amafutha ami enadi.”
^ Kumbe, “endlu yethu enhle.”
