INgoma Yezingoma 6:1-13
6 “Uyengaphi usomoya wakho,Wena olitshatshazi phakathi kwabesifazana?
Uqonde ngaphi usomoya wakho?
Wothi sikuncedise ukumdinga.”
2 “Usomoya wami uye engadini yakhe,Emibhedeni yamaluba anukelelayo,Ukuze ayekwelusa phakathi kwezingadi,Njalo ayekukha amaluba.+
3 Mina ngingokasomoya wamiLosomoya wami ngowami+
Welusile endaweni elamaluba.”+
4 “Umuhle njengeThiriza*+ sthandwa sami,+Umuhle njengeJerusalema,+Uyamangalisa njengamabutho agombolozele amafulegi awo.+
5 Susa amehlo akho+ kimi,Ngoba ayangithumba.
Inwele zakho zinjengomhlambi wembuzi,Owehla emehlweni yeGiliyadi.+
6 Amazinyo akho anjengomhlambi wezimvu,Izimvu ezisanda kugeziswa,Zonke izimvu zakhona zizele amaphahla,Kayikho leyodwa elahle izinyane layo.
7 Njengocezu lweharinathi,Zinjalo izihlathi* zakho phakathi kweveyili yakho.
8 Lanxa kungaba lendlovukazi ezingu-60,Labanye abafazi abangu-80,Lentombi ezingelakubalwa,+
9 Munye kuphela olijuba lami,+ ongelasici.
Unguyedwana kanina,
Uyintandokazi yalowo owamzalayo.
Intombi ziyambona njalo zithi uyathokoza,Indlovukazi labanye abafazi bayamdumisa.
10 ‘Ngubani lo omuhle njengelanga liphuma,Omuhle njengenyanga egcweleyo,Ohlanzeke njengokukhanya kwelanga,Omangalisa njengamabutho agombolozele amafulegi awo?’”+
11 “Ngehla ngaya engadini elezihlahla ezilezithelo,+Ukuze ngiyebona okutsha okukhulayo esigodini,Ngiyebona ukuthi izihlahla zamagilebisi sezihlumile* yini,Lokuthi izihlahla zamaharinathi sezilamaluba na.
12 Ngathi ngisalibele,Isifiso sami sangithatha*Sangibeka enqoleni zabantu bakithi abangabahlonitshwa.”*
13 “Phenduka, phenduka, awu mShulamithi!
Phenduka, phenduka boUkuze sikubuke!”
“Kanti limkhangelani umShulamithi?”+
“Unjengomgido wamaqembu amabili.”*
Amabala angaphansi
^ Kumbe, “njengedolobho elihle.”
^ Kumbe, “inhlafuno.”
^ Kumbe, “sezinunkule.”
^ Kumbe, “Umphefumulo wami wawusungithethe.”
^ Kumbe, “abafuna ukuncedisa.”
^ Kumbe, “Unjengomgido waseMahanayimi.”
