IZaga 12:1-28
12 Othanda ukulaywa uthanda ulwazi,+Kodwa ozonda ukukhuzwa kacabangi.*+
2 UJehova uyamamukela umuntu owenza okuhle,Kodwa uyamlahla umuntu olamacebo amabi.+
3 Ukwenza okubi+ akumvikeli umuntu,Kodwa abalungileyo abasoze basitshunwe.
4 Umfazi owenza okuhle ungumqhele kumkakhe,+Kodwa umfazi+ owenza izinto eziyangisayo unjengomkhuhlane obolisa amathambo kumkakhe.
5 Imicabango yabalungileyo iqondile,Kodwa amacebo avela kwabenza okubi ngawobuqili.
6 Amazwi abenza okubi anjengomuntu ocathamelayo ukuze abulale,+Kodwa umlomo wabathembekileyo uyabasindisa.+
7 Nxa abenza okubi bangatshabalaliswa bayaphela nya,Kodwa indlu yabalungileyo izaqhubeka imi.+
8 Umuntu uyadunyiswa ngenxa yokukhalipha kwamazwi akhe,+Kodwa olenhliziyo egaya izibozi kasoze ahlonitshwe.+
9 Kungcono ukukhangelelwa phansi kodwa ulesisebenzi,Kulokuziphakamisa wena ungelakudla.*+
10 Olungileyo uzigcina kuhle izifuyo zakhe,+Kodwa isihawu salowo owenza okubi yikuba lesihluku.
11 Olima insimu yakhe uzasutha,+Kodwa lowo oxotshana lezinto ezingelancedo kalangqondo.
12 Oxhwalileyo uhawukela okutholwe ngabanye abenza okubi,Kodwa olungileyo unjengesihlahla esilempande eziqinileyo esithela izithelo.
13 Owenza okubi uthiywa yinkulumo yakhe embi,+Kodwa olungileyo uyaphunyuka ebunzimeni.
14 Umuntu okhipha izithelo ezinhle emlonyeni wakhe uthola okuhle,+Njalo uzathola umvuzo ngenxa yomsebenzi wezandla zakhe.
15 Isiphukuphuku sibona indlela yaso iqondile,+Kodwa ohlakaniphileyo uyavuma ukucetshiswa.*+
16 Isiphukuphuku asiphuzi ukutshengisa ukuthi sesicaphukile,*+Kodwa umuntu okhaliphileyo kalandaba lokuqalwa.
17 Ufakazi othembekileyo ukhuluma iqiniso,*Kodwa ufakazi wamanga ukhuluma ubuqili bodwa.
18 Amazwi omuntu okhuluma engacabanganga agwaza njengenkemba,Kodwa ulimi lwabahlakaniphileyo luyelapha.+
19 Umlomo okhuluma iqiniso uzahlala kuze kube nini lanini,+Kodwa ulimi oluhutshuza amanga luzahlala okwesikhatshana nje.+
20 Ubuqili busezinhliziyweni zababumba amacebo okuganga,Kodwa labo abenza kube lokuthula bayathokoza.+
21 Olungileyo kasoze ehlelwe ngokubi,+Kodwa kwabenza okubi kuzakuba ngumonakalo wodwa.+
22 UJehova uyawenyanya umlomo oqamba amanga,+Kodwa uthokoziswa ngabathembekileyo.
23 Umuntu okhaliphileyo uyakufihla lokho akwaziyo,Kodwa isiphukuphuku sibuchaya egcekeni ubuphukuphuku baso.+
24 Isandla sabakhutheleyo sizabusa,+Kodwa abalezandla ezivilaphayo bazasetshenziswa ngenkani.+
25 Ukukhathazeka okusenhliziyweni yomuntu kumqeda amandla,*+Kodwa ilizwi elihle lenza inhliziyo ithokoze.+
26 Olungileyo uyawahlolisisa amadlelo akhe,Kodwa indlela yabenza okubi yenza bahlanhlathe.
27 Ivila kalizihluphi ngokuxotshanisa inyamazana+ eliyizingelayo,Kodwa ukukhuthala kuyinotho yomuntu eligugu.
28 Indlela yokulunga ikhokhelela ekuphileni,+Njalo ukufa akukho endleleni leyo.
Amabala angaphansi
^ Kumbe, “kalangqondo.”
^ NgesiHebheru, “ungelasinkwa.”
^ Kumbe, “ukwelulekwa.”
^ Kumbe, “siveza ulaka lwaso ngalelolanga.”
^ NgesiHebheru, “okulungileyo.”
^ Kumbe, “kumenza ahlulukelwe.”
