IZaga 18:1-24
18 Loba ngubani ozehlukanisa labanye ugijimisa okufunwa nguye kuphela,Uyakwala* konke ukuhlakanipha okuncedayo.
2 Isithutha kasikuthandi ukuzwisisa,Okungcono kuso yikuveza okusenhliziyweni yaso.+
3 Nxa kufika umuntu oxhwalileyo, lokudelela kuhle kufike,Njalo ukwenza izinto eziyangisayo kuletha ihlazo.+
4 Amazwi asemlonyeni womuntu anjengamanzi atshonayo.+
Lomthombo wokuhlakanipha uyisifula esihlala sigeleza.
5 Ungasekeli umuntu oxhwalileyo+ nxa usahlulelaNjalo akukuhle ukwahlulela kubi umuntu olungileyo.+
6 Amazwi esithutha abangela ukuxabana,+Umlomo waso uzicelela ukutshaywa.+
7 Umlomo wesithutha ubangela ukutshabalala kwaso,+Lezindebe zaso zingumjibila othiya impilo yaso.
8 Amazwi omuntu onyundiselayo anjengezifela emlonyeni,+Ezehla ngomphimbo zisiya esiswini.+
9 Loba ngubani olivila emsebenzini wakheUngumfowabo walowo obangela umonakalo.+
10 Ibizo likaJehova liyinqaba eqinileyo.+
Olungileyo ugijimela kulo avikelwe.+
11 Onothileyo ubona angathi inotho yakhe lidolobho elivikelweyo,Njalo emcabangweni wakhe uyibona ingumduli omvikeleyo.+
12 Nxa ukuzikhukhumeza kungaba senhliziyweni yomuntu, okulandelayo yikuwa,+Kodwa ukuthobeka+ kuletha inkazimulo.
13 Nxa umuntu engaphendula engakayizwa yonke indaba,Lobo yibuthutha njalo kuyayangisa.+
14 Umuntu oqinileyo ngaphakathi uyaqinisela nxa egula,+Kodwa ngubani ongabekezelela ukuhlulukelwa?*+
15 Inhliziyo yomuntu ozwisisayo ithola ulwazi,+Lendlebe yohlakaniphileyo iyaludinga ulwazi.
16 Isipho somuntu simvulela indlela,+Senza enelise ukungena lapho okulabahlonitshwa khona.
17 Oqalayo ukubika indaba yakhe ukhanya eqondile,+Kuze kufike owesibili ambuzisise.*+
18 Ukuphosa inkatho kuqeda izingxabano,+Kulamule labantu abalamandla abaxabanayo.
19 Ukuncenga umzalwane ophanjanisiweyo kunzima ukwedlula ukuthumba idolobho elivikelweyo,+Njalo ezinye ingxabano zinjengemigoqo yamagedi ezinqaba.+
20 Izithelo zamazwi aphuma emlonyeni womuntu zizagcwalisa isisu sakhe;+Uzasuthiswa yilokho okuphuma ezindebeni zakhe.
21 Ukufa lokuphila kusemandleni olimi,+Abathanda ukulusebenzisa bazakudla izithelo zalo.+
22 Othole umfazi owenza okuhle uzitholele igugu,*+Njalo uthola umusa kuJehova.+
23 Umyanga ukhuluma encenga,Kodwa umuntu onothileyo uphendula ehwabha.
24 Bakhona abangane abahlala bezimisele ukulimazana,+Kodwa ukhona umngane oba qotho kuwe ukwedlula umfowenu.+
Amabala angaphansi
^ Kumbe, “Uyakweyisa.”
^ Kumbe, “ukudabuka emoyeni.”
^ Kumbe, “amhlole.”
^ NgesiHebheru, “into enhle.”
