IZaga 25:1-28
25 Lezi ngezinye izaga zikaSolomoni+ ezabhalwa zinceku zikaHezekhiya+ inkosi yakoJuda:
2 Kuludumo kuNkulunkulu ukugcina indaba iyimfihlo,+Njalo udumo lwamakhosi yikuchwayisisa indaba.
3 Njengoba nje amazulu ephakeme lomhlaba ujulile,Lezinhliziyo zamakhosi ngeke zizwisiseke.
4 Susa ingcekeza phakathi kwesiliva,Ungenza njalo sizaphuma sicengekile.+
5 Msuse phambi kwenkosi umuntu owenza okubi,Ungenza njalo isihlalo sayo sobukhosi sizamiswa siqine ngokulunga.+
6 Ungaziphakamisi phambi kwenkosi,+Njalo ungahlali phakathi kwabadumileyo,+
7 Ngoba kungcono ithi kuwe, “Buya ngapha,”
Kulokuthi ikuyangise phambi komhlonitshwa.+
8 Ungagijimeli ukuhambisa indaba emthethwandaba,Ngoba uzakwenzani nxa umakhelwane wakho esekuyangisa?+
9 Khulumisana laye umakhelwane wakho,+Kodwa ungayivezi imfihlo oyitsheliweyo,*+
10 Ukuze lowo okulaleleyo angakuyangisiLokuthi ungacini usufafaza indaba embi engasoze icitsheke.*
11 Ilizwi elikhulunywe ngesikhathi esifaneleyo+Linjengama-apula egolide asemganwini wesiliva.
12 Ukukhuza komuntu ohlakaniphileyoKunjengecici legolide, lomceciso wegolide elihlambulukileyo endlebeni yomuntu olalelayo.+
13 Isithunywa esithembekileyo kulowo osithumileyoSinjengokuqanda kongqwaqwane ngelanga lokuvuna,Ngoba sivuselela inkosi yaso.+
14 Umuntu ozikhukhumeza ngesipho* angasoze asikhiphe,+Unjengamayezi lomoya okungalethi izulu.
15 Ukubekezela kuyasincibilikisa isiphathamandla,Njalo amazwi alomusa angalephula* ithambo.+
16 Nxa ungathola uluju, dlana olulingeneyo,Ngoba ungaludla kakhulu ungacina usuluhlanza.+
17 Ungabi ngunsuku zonke endlini kamakhelwane wakho,Ukuze ungacini usumdaka abesekuzonda.
18 Umuntu ofakaza amanga ngomakhelwane wakhe+Unjengesando sempi lenkemba lomtshoko obukhali.
19 Ukuthemba umuntu ongathembekanga* ngesikhathi sokuhluphekaKufanana lokuhlafuna ngezinyo eliqamukileyo loba ukunyathela ngonyawo oluqhuzukileyo.
20 Lowo ohlabelela umuntu ophakathi kosizi+Unjengomuntu okhipha isigqoko esikhudumalayo mhla kuqanda,Lanjengeviniga ethelwe phakathi kwesoda.
21 Nxa isitha* sakho silambile sinike isinkwa sidle;Nxa somile sinike amanzi okunatha,+
22 Ngoba nxa ungenza njalo uyabe ubuthelela amalahle avuthayo ekhanda laso,*+Njalo uJehova uzakunika umvuzo.
23 Umoya ovela enyakatho uletha izulu,Ulimi olunyeyayo lona luvusa ulaka.+
24 Kungcono ukuhlala ephahleni lwendlu,Kulokuhlala ndlu yinye lomfazi othanda ingxabano.*+
25 Umbiko omuhle ovela elizweni elikhatshanaUnjengamanzi aqandelelayo emuntwini* odiniweyo.+
26 Umuntu olungileyo ovuma ukuyengwa ngumuntu owenza okubiUnjengendawo elamanzi agcwele udaka lanjengomgodi ongcolileyo.
27 Akukuhle ukudla uluju olunengi,+Njalo akukuhle ukuthi umuntu azidingele udumo.+
28 Umuntu owehluleka ukuzibamba nxa esezondile+Unjengedolobho elilemiduli esidiliziwe.
Amabala angaphansi
^ Kumbe, “yabanye.”
^ Kumbe, “amahungahunga ayingozi angasoze acitsheke.”
^ NgesiHebheru, “ngesipho samanga.”
^ Kumbe, “ulimi olumnene lungalephula.”
^ Ezinye inguqulo zithi, “oliqili.”
^ NgesiHebheru, “umuntu okuzondayo.”
^ Lokhu kutsho ukwenza umuntu athambe kumbe ancibilike lanxa elukhuni.
^ Kumbe, “ohluphayo.”
^ Kumbe, “emphefumulweni.” Khangela iNgcazelo Yamabala.
