IZaga 9:1-18
9 Ukuhlakanipha kweqiniso sekuzakhele indlu;Sekumise izinsika zakho eziyisikhombisa.
2 Sekuqedile ukuzilungisela inyama,Sekulihlanganisile iwayini lakho,Kwabeka ukudla etafuleni yakho.
3 Sekuthume izincekukazi zakho,Ukuthi ziyememeza zisezindaweni eziphezulu zedolobho+ zisithi:
4 “Loba ngubani ongelalwazi kabuye ngapha.”
Ukuhlakanipha kutshela lowo ongelangqondo kuthi:
5 “Woza uzokudla isinkwa sami,Unathe lewayini engilihlanganisileyo.
6 Tshiyana lobuthutha bakho* uphile,+Hamba uye phambili endleleni yokuzwisisa.”+
7 Oqondisa umuntu oweyisayo* uzibizela ihlazo,+Loba ngubani okhuza umuntu owenza okubi uzalimala.
8 Ungamkhuzi umuntu oweyisayo* uzakuzonda.+
Khuza umuntu ohlakaniphileyo uzakuthanda.+
9 Yabelana lomuntu ohlakaniphileyo, yena uzakwandisa ukuhlakanipha+ kwakhe.
Fundisa umuntu olungileyo, yena uzakwengezelela imfundo yakhe.
10 Ukwesaba uJehova yikuqala kokuhlakanipha,+Lokwazi oNgcwele Kakhulu+ yikho ukuzwisisa.
11 Izinsuku zakho zizakuba zinengi+ ngenxa yami,Leminyaka yokuphila kwakho izakwengezelelwa.
12 Nxa ungahlakanipha nguwe ozancedakala,Kodwa ungathanda ukweyisa,* wena ngokwakho uzazingenisa emanyaleni.
13 Owesifazana oyisiwula uliphakaphaka.+
Ikhanda lakhe lilugebhezi nje, akulalutho alwaziyo.
14 Uhlala esitulweni emnyango wendlu yakhe,Endaweni eziphakemeyo zedolobho.+
15 Umemeza abadlulayo,Labo abazihambela emgwaqweni esithi:
16 “Loba ngubani ongelalwazi kabuye ngapha.”
Njalo uthi kwabangelangqondo:+
17 “Amanzi atshontshiweyo amnandi,Lokudla okudlelwa ensitha kuyahlabusa.”+
18 Kodwa abakwazi ukuthi indlu yakhe igcwele abafileyo,Lokuthi izethekeli zakhe zisengcwabeni elitshonayo.+
Amabala angaphansi
^ Kumbe, “Tshiyana labangelalwazi.”
^ Kumbe, “oklolodayo.”
^ Kumbe, “oklolodayo.”
^ Kumbe, “ukukloloda.”
