U-Amosi 2:1-16
2 “Nanku okutshiwo nguJehova,‘“Ngenxa yamacala amathathu kaMowabi+ loba amane, angisoze ngibuyele emuva,Ngoba watshisa amathambo enkosi yako-Edomi aba ngumlotha.
2 Ngakho ngizathumela umlilo koMowabi,Uzatshisa ulobise izinqaba eziqinileyo zeKheriyothi.+
UMowabi uzafela phakathi kokuxokozela,Ngomsindo wempi lowokukhala kophondo.+
3 Ngizasusa umbusi* phakathi kwakheNgibulale zonke izikhulu zakhe* kanye laye,”+ kutsho uJehova.’
4 Nanku okutshiwo nguJehova,‘Ngenxa yamacala amathathu kaJuda+ loba amane, angisoze ngibuyele emuva,Ngoba abawulalelanga umthetho* kaJehova,Njalo kabazange bayigcine imilayo yakhe,+Kodwa sebedukiswe ngamanga ayelandelwa ngokhokho babo.+
5 Ngakho ngizathumela umlilo koJuda,Uzatshisa ulobise izinqaba eziqinileyo zeJerusalema.’+
6 Nanku okutshiwo nguJehova,‘Ngenxa yamacala amathathu ka-Israyeli+ loba amane, angisoze ngibuyele emuva,Ngoba bathengisa olungileyo ngesiliva,Bathengise umyanga ngamanyathela.+
7 Amakhanda abantukazana bawagxobela phansi ethulini,+Bavimba indlela yabamnene.+
Uyise lendodana balala lentombi yinye,Bengcolisa ibizo lami elingcwele.
8 Bacambalala kuwo wonke ama-alithare+ begqoke izigqoko eziyisibambiso salokho okubolekiweyo,+Iwayini abalinatha endlini yabonkulunkulu* babo balithola ngemali abayibhadalisa abantu.’
9 ‘Kodwa yimi engatshaya ngabhuqa ama-Amori phambi kwabo,+Abantu ababebade njengemisedari njalo beqine njengezihlahla zom-okhi.
Ngatshabalalisa izithelo zabo phezulu kanye lempande zabo ngaphansi.+
10 Ngalikhipha elizweni laseGibhithe,+Ngalikhokhela enkangala okweminyaka engu-40,+Ukuze lithathe ilizwe lama-Amori.
11 Amanye amadodana enu ngawenza aba ngabaphrofethi+Amanye amajaha enu ngawenza aba ngamaNaziri.*+
Ngikhuluma amanga yini bantu bako-Israyeli?’ kutsho uJehova.
12 ‘Kodwa lalilokhu linika amaNaziri* iwayini ukuthi anathe,+Njalo litshela abaphrofethi lisithi: “Akumelanga liphrofethe.”+
13 Ngakho ngizalichola endaweni yenu,Njengalokho okunyathelwe yinqola egcwele amabele asanda kuvunwa.
14 Olejubane uzaswela ukuthi abalekele ngaphi,+Oqinileyo uzaphela amandla,Akulaqhawe elizaphunyuka lisale liphila.
15 Ophosa umtshoko kasoze ayimele impi,Olejubane kasoze aphunyuke,Lomgadi webhiza kasoze ayisindise impilo yakhe.
16 Lesotsha elilesibindi ukwedlula wonke amaqhaweLizabaleka linqunu ngalolosuku,’+ kutsho uJehova.”
Amabala angaphansi
^ NgesiHebheru, “umahluleli.”
^ Kumbe, “wonke amakhosana akhe.”
^ Kumbe, “umlayo.”
^ Kumbe, “ethempelini labonkulunkulu.”
^ Khangela iNgcazelo Yamabala.
^ Khangela iNgcazelo Yamabala.