U-Isaya 1:1-31
1 Lo ngumbono owabonwa ngu-Isaya*+ indodana ka-Amozi. Wawumayelana lelizwe lakoJuda leJerusalema ezinsukwini zika-Uziya,+ loJothamu,+ lo-Ahazi,+ loHezekhiya,+ amakhosi akoJuda:+
2 Zwanini lina mazulu, ulalele lawe mhlaba,+Ngoba uJehova usekhulumile:
“Ngondle amadodana ngawakhulisa,+Kodwa asengihlamukele.+
3 Inkabi iyamazi umnikazi wayo,Lobabhemi uyasazi isibaya asilungiselwe ngumnikazi,Kodwa u-Israyeli kangazi,*+Okwenziwa ngabantu bami kutshengisa ukuthi kabazwisisi.”
4 Maye kuso isizwe esonayo,+Abantu abasindwa ngamacala,Usendo lwabantu abaxhwalileyo, abantwana abonakeleyo!
Sebemtshiyile uJehova;+Badelele oNgcwele ka-Israyeli,Bamhlamukela.
5 Pho khathesi ngizalitshaya ngaphi njengoba lilokhu liqhubeka lingihlamukela?+
Ikhanda lonke ligcwele amanxeba,Lenhliziyo yonke ilomkhuhlane.+
6 Akukho okuphilileyo kusukela ngaphansi konyawo kuze kuyefika ekhanda.
Ngamanxeba lemvimvinya lezilonda kuphela!Akuzange kwelatshwe, akuzange kubotshwe futhi akuzange kugcotshwe ngamafutha.+
7 Ilizwe lenu aliselalutho.
Amadolobho enu atshiswe ngomlilo.
Abezizweni batshabalalisa ilizwe lenu phambi kwenu.+
Khathesi ilizwe lenu selinjengendawo engelalutho echithwe ngabezizweni.+
8 Indodakazi yaseZiyoni isisele injengedumba ensimini yamagilebisi,Njengokuyindlwana okusensimini yamakhukhamba,Lanjengedolobho elivinjezelweyo.+
9 Aluba uJehova wamabutho kenzanga ukuthi kusale abalutshwana abasindileyo,Besizakuba njengeSodoma,Sifanane leGomora.+
10 Zwanini ilizwi likaJehova lina babusi beSodoma+ abangontandokayiphikiswa.
Lalelisisani umthetho* kaNkulunkulu lina bantu beGomora.+
11 “Imihlatshelo yenu eminengi inginceda ngani?”+ kutsho uJehova.
“Sengidiniwe ngeminikelo yenu yokutshiswa yezinqama,+ lamafutha ezifuyo ezinonileyo.+Angithokozi ngegazi+ lamajongosi+ enu lelemvana zenu kanye lelembuzi zenu.+
12 Nxa lizokhonza phambi kwami,+Ngubani olicele ukuthiLinyathenyathele emagumeni ami?+
13 Yekelani ukuletha iminikelo yamabele engancediyo.
Ngiyayenyanya impepha* yenu.+
Linanza ukuthwasa kwenyanga,+ ligcine amasabatha,+ limemezele lemihlangano.+Kodwa ngeke ngiwabekezelele amasalamusi+ eliwenzayo ngapha lisenza umhlangano ongcwele.
14 Ngiyayizonda imikhosi yenu yokuthwasa kwenyanga lamadili enu.
Ingumthwalo osindayo kimi,Sengidiniwe ngokuyithwala.
15 Nxa liphakamisela izandla zenu phezulu,Ngiyalifihlela amehlo ami.+
Lanxa lithandaza kanenginengi,+Ngeke ngililalele,+Izandla zenu zigcwele igazi.+
16 Gezani lizihlambulule,+Tshiyani izenzo ezimbi elizenza phambi kwami,Yekelani ukwenza okubi.+
17 Fundani ukwenza okuhle njalo lahlulele kuhle,+Qondisani ocindezela abanye,Lwelani amalungelo entandane,Limele lodaba lomfelokazi.”+
18 “Wozani khathesi silungisise izindaba phakathi kwethu,” kutsho uJehova.+
“Lanxa izono zenu zibomvu gebhu,Zizakwenziwa zibe mhlophe njengongqwaqwane.+Lanxa zibomvu njengegazi,Zizakuba mhlophe nke njengoboya bezimvu.
19 Nxa lingazimisela njalo lilalele,Lizakudla okuhle kwelizwe.+
20 Kodwa nxa lingalaleli futhi lihlamuka,Lizadliwa yinkemba,+Ngoba umlomo kaJehova usukhulumile.”
21 Idolobho leli ebelithembekile+ seliphenduke laba yisifebe!+
Beligcwele ukwahlulela okuhle,+Ukulunga bekuhlala kulo,+Kodwa khathesi seligcwele ababulali.+
22 Isiliva sakho sesibe yingcekeza,+Lotshwala bakho buhlanganiswe lamanzi.
23 Abakhokheli benu bayiziqholo njalo bazwanana lamasela.+
Bonke bathanda ukufunjathiswa futhi bazifuna ngamehlo abomvu izipho.+
Abazahluleli kuhle izintandane,Njalo abalilaleli icala elimangalwa ngumfelokazi.+
24 Ngakho iNkosi yeqiniso, uJehova wamabutho,UNkulunkulu wako-Israyeli olamandla uthi:
“Zwanini! Ngizabaqeda bonke abamelana lami,Ngizaphindisela ezitheni zami.+
25 Isandla sami sizamelana lawe,Ngizancibilikisa yonke ingcekeza yakho,Ngisuse konke okungcolileyo kuwe.+
26 Ngizaphinda ngikunike* abahluleli njengakuqala,Labeluleki bakho njengasekuqaliseni.+
Ngemva kwalokho uzabizwa ngokuthi uliDolobho Lokulunga langokuthi uliDolobho Elithembekileyo.+
27 IZiyoni izahlengwa ngokwahlulela okuhle,+Labantu bayo abaphendukayo bazahlengwa ngokulunga.
28 Abahlamukayo labonayo bazaphahlazwa ndawonye,+Labatshiya uJehova bazatshabalala.+
29 Bazayangeka ngezihlahla zabo ezinkulu ababezithanda,+Lamasimu* ababewakhetha azabenza babe lenhloni.+
30 Bazakuba njengesihlahla esikhulu esilamahlamvu asebuna,+Babe njengengadi engelamanzi.
31 Indoda eqinileyo izakuba njengotshani obomileyo,Lomsebenzi wayo uzakuba njengenhlansi,Kokubili kuzadliwa ngamalangabi omlilo,Kuswelakale loyedwa ongawacitsha.”
Amabala angaphansi
^ Ibizo leli litsho ukuthi, “Insindiso kaJehova.”
^ Kumbe, “kayazi inkosi yakhe.”
^ Kumbe, “umlayo.”
^ Khangela iNgcazelo Yamabala.
^ Kumbe, “Ngizabuyisela.”
^ Lapha kungabe kutshiwo izihlahla lamasimu ababesenzela kuwo imikhuba yabo yokukhonza izithombe.
