U-Isaya 15:1-9
-
Isimemezelo salokho okuzakwehlela iMowabi (1-9)
15 Nansi isimemezelo salokho okuzakwehlela iMowabi:+
I-Ari+ yaseMowabi isithulisiweNgoba ibhidlizwe ngobusuku obubodwa nje.
IKhiri+ yaseMowabi isithulisiweNgoba ibhidlizwe ngobusuku obubodwa nje.
2 Abantu sebeye endlini* kanye laseDibhoni,+Sebeye ezindaweni eziphakemeyo ukuze bayekhala.
IMowabi ikhalela iNebho+ leMedebha.+
Wonke amakhanda aphuciwe+ lazo zonke indevu zigeliwe.+
3 Bahamba emigwaqweni yayo begqoke izembatho zamasaka.
Bonke bayakhala bephezu kwezindlu lasemagcekeni edolobho,Behla beqhinqa isililo.+
4 Amadolobho eHeshibhoni le-Eliyale+ ayamemeza,Ilizwi lawo lizwakala khonale eJahazi.+
Yikho amadoda akoMowabi ahlomileyo eqhubeka ememeza.
Ilizwe liyaqhuqha.
5 Inhliziyo yami ikhalela iMowabi.
Abantu bayo ababalekayo sebeze bayafika eZowari+ lase-Egilathi-shelishiya.+
Baqansa umqanso waseLuhithi bekhala ezimathonsi,
Bayabubula besendleleni eya eHoronayimi ngenxa yomonakalo osubehlele.+
6 Amanzi aseNimirimi asetshile,Utshani obebuluhlaza sebomile,Akuselatshani futhi konke okuluhlaza sekuphelile.
7 Yikho sebehamba lakho konke okusele eziphaleni zabo lasenothweni yaboSebechapha isigodi sezihlahla zomphophula.
8 Kuzwakala umkhosi kulo lonke ilizwe lakoMowabi.+
Isililo sizwakala khonale e-Egilayimi,Sizwakala khonale eBheri-elimi.
9 Amanzi aseDimoni agcwele igazi,Njalo kusesekunengi engizakwehlisela indawo yaseDimoni:
Isilwane sizabamba abakoMowabi abaphunyukayo,Lalabo abaseleyo elizweni.+
Amabala angaphansi
^ Kumbe, “ethempelini.”
