U-Isaya 48:1-22
48 Zwanini lokhu lina abendlu kaJakhobe,Lina elizibiza ngebizo lika-Israyeli,+Eliyizizukulwane zikaJuda.
Lina elifunga ngebizo likaJehova,+Elikhuleka kuNkulunkulu ka-Israyeli,Lanxa lingakwenzi ngeqiniso langokulunga.+
2 Lina elizibiza ngokuthi lingabedolobho elingcwele,+Elidinga uncedo kuNkulunkulu ka-Israyeli.+UJehova wamabutho yilo ibizo lakhe.
3 “Izinto zakuqala ngalitshela ngazo kudala.
Zaphuma khona kanye emlonyeni wami,Ngenza ukuthi zaziwe.+
Ngathatha inyathelo ngokuphangisa, zasezisenzakala.+
4 Ngoba ngangikwazi ukuthi ulenkani,Lokuthi umsipha wentamo yakho unjengensimbi, lebunzi lakho liyikhopha.+
5 Ngakutshela kudala.
Ngenza ukuthi ukuzwe lokhu kungakenzakali,Ukuze ungathi, ‘Kwenziwe yisithombe sami,Kukhulunywe yisithombe sami sensimbi lesithombe sami esibaziweyo.’
6 Ukuzwile wakubona konke lokhu.
Awusoze ukutshele abanye yini?+
Kusukela khathesi sengimemezela izinto ezintsha kuwe,+Izinto owawungazazi ezazigcinwe ziyimfihlo.
7 Izinto lezi kazenzakalanga kudala kodwa sezisenzakala khathesi,*Ubungakaze uzizwe kuze kufike lamuhla,Ukuze ungathi, ‘Bengivele ngizazi.’
8 Kawuzange uzwe+ njalo ubungakwazi,Futhi kusukela kudala ubungazivulanga indlebe zakho.
Ngiyakwazi ukuthi uliqili sibili,+Ubulokhu usenza okubi kusukela uzalwa.+
9 Kodwa ngizalubamba ulaka lwami ngenxa yebizo lami,+Ngizazibamba ngenxa yodumo lwamiKangisoze ngikutshabalalise.+
10 Khangela sengikucengile kodwa hatshi njengesiliva.+
Ngakuhlola* esithandweni somlilo wokuhlupheka.+
11 Ngenxa yebizo lami, ngithi ngenxa yebizo lami ngizathatha inyathelo,+Kambe ngingavuma ukuthi ibizo lami lingcoliswe?+
Ngeke nginike omunye* inkazimulo yami.
12 Awu Jakhobe ngilalela, wena Israyeli engikubizileyo.
Ngilokhu nginguye.+ Ngingowokuqala futhi ngingowokucina.+
13 Ngabeka isisekelo somhlaba ngaso kanye isandla sami,+Isandla sami sokudla sawendlala amazulu.+
Nxa ngikubiza konke kuyasukuma kanye kanye.
14 Buthanani ndawonye lonke lilalele.
Ngubani phakathi kwabo obike izinto lezi?
UJehova umthandile lowomuntu.+
Uzakwenza intando yakhe kuyo iBhabhiloni+Ingalo yakhe izahlasela amaKhaledi.+
15 Mina ngokwami sengikhulumile njalo sengimbizile.+
Sengimlethile futhi akwenzayo kuzaphumelela.+
16 Sondelani eduze kwami, lizwe lokhu.
Kusukela ekuqaleni kangizange ngikhulumele ensitha.+
Ngangikhona kusukela kusenzakala.”
Khathesi iNkosi Enkulu uJehova ingithumile kanye lomoya wayo.
17 Nanku okutshiwo nguJehova, uMhlengi wakho, oNgcwele ka-Israyeli:+
“Mina Jehova nginguNkulunkulu wakho,Lowo okufundisayo ukuze uncedakale,*+Lowo okukhokhela* endleleni okufanele uhambe ngayo.+
18 Aluba ubungayilalela imithetho yami,+
Ukuthula kwakho bekuzakuba njengomfula,+Lokulunga kwakho kube njengamagagasi olwandle.+
19 Abantwabakho bebezakuba banengi* njengetshebetshebe,Lezizukulwane zakho zibe njengenhlamvu zayo.+
Ibizo labo belingasoze lisuswe kumbe litshabalaliswe phambi kwami.”
20 Phumani eBhabhiloni!+
Balekani lisuke kumaKhaledi!
Kubikeni ngentokozo lokhu! Kumemezeleni!+
Lithi: “UJehova useyihlengile inceku yakhe uJakhobe.+
Kwenzeni kwaziwe lasemikhawulweni yomhlaba.+
21 Abazange bome ngesikhathi ebakhokhela bedabula ezindaweni eziyinkangala.+
Wenza ukuthi amanzi ageleze ephuma edwaleni esenzela bona,Waqhekeza* idwala, wenza ukuthi amanzi ampompoze.”+
22 “Abenza okubi kabalakho ukuthula,” kutsho uJehova.+
Amabala angaphansi
^ NgesiHebheru, “Izinto lezi zidalwe khathesi nje, hatshi endulo.”
^ Ezinye inguqulo zithi, “Ngakukhetha.”
^ Kumbe, “Ngeke ngabele omunye umuntu.”
^ Kumbe, “okufundisa okuzakusiza.”
^ Kumbe, “okuqondisa.”
^ Kumbe, “Inzalo yakho ibizakuba nengi.”
^ Kumbe, “Wadabula.”
