UHabakhukhi 3:1-19
3 Lo ngumthandazo womphrofethi uHabakhukhi onjengengoma yokulila:
2 Awu Jehova, sengiwuzwile umbiko omayelana lawe.
Imisebenzi yakho iyangimangalisa, O Jehova.
Yivuselele ngesikhathi sakho* imisebenzi yakho!
Uyenze yaziwe ngesikhathi sakho.*
Sikhumbule ube lesihawu kithi ngesikhathi sobunzima.+
3 UNkulunkulu weza evela eThemani,ONgcwele weza evela entabeni iPharani.+ (Selah)*
Inkazimulo yakhe yembesa amazulu,+Udumo lwakhe lwagcwala umhlaba wonke.
4 Ukukhanya kwakhe kwakunjengokwelanga,+Imisebe emibili iphazima esandleni sakhe,Lapho okwakufihlwe khona amandla akhe.
5 Phambi kwakhe kwakuhamba isifo esiyingozi,+Enyaweni zakhe kulandela umkhuhlane wokutshisa komzimba.
6 Wema mpo wanyikinya umhlaba,+Wakhangela izizwe zethuka zeqa,+Intaba zanininini zabhidlika,Lamaqaqa akudaladala adilika.+
Lezi zindlela zakhe zakudala.
7 Ngabona ubunzima ematendeni aseKhushani.
Amalembu amatende aselizweni lakoMidiyani aphephezela.+
8 Awu Jehova, uthukuthelele imifula yini?
Yimifula na ebangele ukuthi ulaka lwakho luvuthe,Kumbe uthukuthelele ulwandle?+
Phela ugade amabhiza akho,+Izinqola zakho zanqoba.*+
9 Ukhiphe idandili* lakho njalo usulungele ukulisebenzisa.
Kwenziwe isifungo intonga* zakho zakhitshwa. (Selah)
Wehlukanise umhlaba ngemifula,
10 Izintaba zathi zikubona zajanquka ngenxa yobuhlungu,+Izulu lathululeka,Amanzi asenzikini ahlokoma aduma,+Aphakamisela izandla phezulu.
11 Ilanga lenyanga kwama mpo phezulu khonale ezindaweni zakho.+
Imitshoko yakho yaphuma ikhazimula,+Lomkhonto wakho waphazima njengombane.
12 Wahambahamba emhlabeni wonke uthukuthele kakhulu,Wanyathenyathela* izizwe ngolaka.
13 Waphuma usiyasindisa ogcotshiweyo wakho labantu bakho.
Wamcobodisa umkhokheli* wendlu yababi,Wayiquphula indlu leyo kusukela esisekelweni sayo kusiya phezulu.* (Selah)
14 Wagwaza inhloko yamabutho akhe ngezikhali zayo*Ngesikhathi bephuma njengesivunguzane ukuze bangichithe.
Kwakubathokozisa kakhulu ukucathamela umuntu osebunzimeni bamhlasele.
15 Wadabula elwandle ngamabhiza akho,Udlula phakathi kwamagagasi olwandle.
16 Ngathi ngikuzwa lokhu ngesaba ngaqhaqhazela,*Umsindo engangiwuzwa wenza indebe zami zaqhuqha,Umzimba wami waphela amandla,*+Lamadolo ami agedezela.
Kodwa ngizalulindela ngithule usuku lokuhlupheka,+Ngoba luyeza kulabo abasihlaselayo.
17 Lanxa isihlahla somkhiwa singawavezi amaluba aso,Njalo kungelazithelo ezihlahleni zamagilebisi,Lanxa ama-oliva engathelanga,Lemasimini kungelamabele,Lanxa izimvu zingaphela esibayeni,Lenkomo ziswelakale esibayeni,
18 Mina ngizathokoza ngoJehova,Ngijabule ngoNkulunkulu wensindiso yami.+
19 INkosi Enkulu uJehova ingamandla ami,+Izakwenza inyawo zami zibe njengezempala,*Ingenze ngihambe ezindaweni eziphezulu.+
Amabala angaphansi
^ NgesiHebheru, “phakathi kwaleyo minyaka.”
^ NgesiHebheru, “phakathi kwaleyo minyaka.”
^ Khangela iNgcazelo Yamabala.
^ Kumbe, “zaletha insindiso.”
^ Khangela iNgcazelo Yamabala.
^ Ezinye inguqulo zithi, “imitshoko.”
^ NgesiHebheru, “Wabhula.”
^ NgesiHebheru, “inhloko.”
^ NgesiHebheru, “entanyeni.”
^ NgesiHebheru, “ngentonga zayo.”
^ NgesiHebheru, “isisu sami saqhuqha.”
^ NgesiHebheru, “Amathambo ami aqalisa ukubola.”
^ Ibala lesiHebheru elisetshenziswe lapha litsho inyamazana ehambelana lempala.
