UHosiya 11:1-12
11 “U-Israyeli ngangimthanda esesengumfana,+Ngayibiza indodana yami ukuthi iphume eGibhithe.+
2 Lanxa babeqhubeka* bebabiza,Bona babeqhubeka besiya khatshana labo.+
Babelokhu benikela imihlatshelo ezithombeni zikaBhali+
Benikela imihlatshelo ezithombeni ezibaziweyo.+
3 Kodwa yimi engafundisa abako-Efrayimi ukuhamba,+ ngabathwala ngezandla zami,+Abazange bakunanzelele ukuthi ngangibasilisile.
4 Ngaqhubeka ngibadonsa ngezintambo zabantu,* ngezintambo zothando,+Ngaba njengalowo osusa ijogwe entanyeni zabo,Nganika munye ngamunye ukudla ngesineke.
5 Kabasoze babuyele eGibhithe kodwa i-Asiriya izakuba yinkosi yabo,+Ngoba balile ukuphenduka beze kimi.+
6 Inkemba izagadla ihlasele amadolobho akhe,+Izakwephula imigoqo yakhe ibabhuqe baphele nya ngenxa yamacebo abo.+
7 Abantu bami bazimisele ukungathembeki kimi.+
Lanxa bebabiza ukuthi baye endaweni ephakemeyo,* kakho osukumayo.
8 Kambe ngingakukhalala yini wena Efrayimi?+
Ngingakunikela ezitheni yini wena Israyeli?
Ngingakuphatha njenge-Adima yini?
Ngingakwenza ufanane leZebhoyimi yini?+
Sengitshintshe ingqondo,Lozwelo lwami lonke luhle lwaqubuka.+
9 Ngizalubamba ulaka lwami oluvuthayo.
Angisoze ngiphinde ngibachithe abako-Efrayimi,+Ngoba mina nginguNkulunkulu, kangifanani labantu,NgingoNgcwele ophakathi kwenu,Kangisoze ngibuye kini ngithukuthele.
10 Abako-Israyeli bazalandela uJehova futhi yena uzabhonga njengesilwane,+Nxa esebhonga, abantwabakhe bazakuza beqhuqha bevela entshonalanga.+
11 Bazaphuma eGibhithe beqhuqha njengenyoni,Baphume elizweni le-Asiriya+ njengejuba,Njalo ngizabahlalisa emizini yabo,”* kutsho uJehova.+
12 “U-Efrayimi ungitshela amanga kuphela,Labendlu ka-Israyeli bayangiqila.+
Kodwa uJuda yena ulokhu ehamba loNkulunkulu,Uthembekile kulowo oNgcwele Kakhulu.”+
Amabala angaphansi
^ Lapha kutshiwo abaphrofethi labanye ababethunywe ukuthi bafundise u-Israyeli.
^ Kumbe, “ngezintambo zomusa,” njengalezo ezisetshenziswa ngumzali ukuze afundise umntwana ukuhamba.
^ Lapha kutshiwo indlela yokukhonza ephakemeyo.
^ Kumbe, “ezindlini zabo.”
