UHosiya 12:1-14
12 “U-Efrayimi udla umoya,Utshonela ukuxotshanisa umoya wasempumalanga.
Wandisa amanga lodlakela.
Wenza isivumelwano le-Asiriya+ futhi uhambisa amafutha eGibhithe.+
2 UJehova wethesa uJuda icala,+Uzajezisa uJakhobe ngenxa yezindlela zakhe,Amnike umvuzo ofanele imisebenzi yakhe.+
3 Wabamba isithende somfowabo besesiswini sikanina,+Watshukana* loNkulunkulu ngamandla akhe.+
4 Waqhubeka esilwa* lengilosi waze wanqoba.
Wakhala eyincenga ukuthi imenzele umusa.”+
UNkulunkulu wamthola eBhetheli futhi wakhuluma lathi khonapho,+
5 UJehova uNkulunkulu wamabutho,+UJehova yilo ibizo lakhe okumele akhunjulwe ngalo.+
6 “Ngakho buyela kuNkulunkulu wakho,+Uhlale ulothando oluqotho futhi usahlulela kuhle,+Hlala ulethemba kuNkulunkulu wakho.
7 Esandleni somuntu othengisayo kulezikali* zobuqili,Uyakuthanda ukuqilibezela.+
8 U-Efrayimi ulokhu esithi, ‘Senginothe kakhulu,+Sengiyitholile inotho.+
Akulamuntu ozathola isono loba icala enothweni yami engiyisebenzele nzima.’
9 Kodwa mina nginguJehova uNkulunkulu wakho kusukela uselizweni leGibhithe.+
Ngizaphinda ngilihlalise ematendeni
Njengasezinsukwini zemikhosi eba khona ngesikhathi esimisiweyo.
10 Ngakhuluma labaphrofethi,+Ngandisa imibono yabo,Ngakhuluma imizekeliso ngisebenzisa abaphrofethi.
11 IGiliyadi igcwele ubuqili*+ lamanga.
Benze imihlatshelo yezinkunzi eGiligali,+Ama-alithare abo anjengenqwaba zamatshe ensimini elinyiweyo.+
12 UJakhobe wabaleka waya elizweni lase-Aramu,*+U-Israyeli+ wasebenza ukuze athole umfazi+ kuleyondawo,Welusa izimvu ukuze aphiwe umfazi.+
13 UJehova wakhipha u-Israyeli eGibhithe esebenzisa umphrofethi,+Njalo wamvikela* esebenzisa umphrofethi.+
14 U-Efrayimi wenze icala elibi,+Icala lakhe lokubulala abantu liphezu kwakhe,INkosi yakhe izamupha umvuzo wokudelela kwakhe.”+
Amabala angaphansi
^ Kumbe, “Wabindana.”
^ Kumbe, “ebindana.”
^ Kumbe, “kulezilinganiso.”
^ Kungabe kutshiwo ukusebenzisa amasalamusi lemilingo.
^ Kumbe, “laseSiriya.”
^ Kumbe, “wamlondoloza.”