UHosiya 14:1-9
14 “Awu Israyeli, phenduka kuJehova uNkulunkulu wakho,+Ngoba usukhubekile wawa ngenxa yesiphambeko sakho.
2 Buyela kuJehova,Uthi kuye, ‘Sicela usixolele iziphambeko zethu+ njalo wamukele okuhle okuvela kithi,Sizanikela indumiso ngemilomo yethu+ ngendlela esinikela ngayo ngamajongosi.
3 I-Asiriya ayingeke isisindise.+
Kasisoze sigade amabhiza,+Kasisoze siphinde sithi, “Nkulunkulu wethu,” kulokho esikwenze ngezandla zethu,Ngoba wena uyayizwela isihawu intandane.’+
4 Ngizabelapha, ukungathembeki kwabo kuphele.+
Ngizabathanda ngenhliziyo yami yonke,*+Ngoba angisabazondelanga.+
5 Ngizakuba njengamazolo ku-Israyeli,Yena uzaqhakaza njengeluba,Atshonise impande zakhe njengezihlahla zaseLebhanoni.
6 Ingatsha zakhe zizakhula,Ubuhle bakhe bube njengesihlahla sama-oliva,Anukelele kamnandi njengeLebhanoni.
7 Bazaphinda bahlale emthunzini wami.
Bazalima amabele futhi bahlume njengesihlahla samagilebisi.+
Udumo* lwami luzakuba njengewayini laseLebhanoni.
8 U-Efrayimi uzakuthi, ‘Kambe ngisazidingelani izithombe?’+
Ngizamphendula njalo ngimlinde.+
Ngizakuba njengesihlahla somjunipha esiluhlaza.
Izithelo zakho zizatholakala kimi.”
9 Ngubani okhaliphileyo? Kazizwisise izinto lezi.
Ngubani ohlakaniphileyo? Kabezazi lezizinto.
Ngoba izindlela zikaJehova ziqondile,+Umuntu olungileyo uzahamba ngazo,Kodwa abangawulaleliyo umthetho bazakhubeka kuzo.
