UHosiya 2:1-23
2 “Khulumani labafowenu lithi, ‘Lingabantu bami!’*+
Kubodadewenu lithi, ‘Lina besifazana abatshengiswe isihawu!’*+
2 Msoleni unyoko, msoleni,Ngoba kayisuye mkami,+ lami angisiyo ndoda yakhe.
Kumele ayekele ukungaziphathi kwakhe,*Asuse lobufebe emabeleni akhe,
3 Ngoba ngizamkhulula izigqoko asale enqunu njengamhla ezalwa,Ngimenze abe njengenkangala,Afanane lelizwe elome qha!
Ngimenze abulawe yikomela amanzi.
4 Abantwabakhe angisoze ngibatshengise isihawu,Ngoba ngabantwana abazelwe ngokuthengisa umzimba.
5 Unina wenze ubuwule.+
Yena kanye owabathwala ngesisu sakhe wenze ihlazo+ wathi,‘Ngizalandelana lezithandwa zami,+Ezingipha isinkwa sami lamanzi ami,Lewulu yami lelineni yami lamafutha ami lokunathwayo kwami.’
6 Ngakho ngizavala indlela yakhe ngamahlahla ameva,Ngakhe umduli wamatshe ngimvimbeUkuze angaziboni izindlela zakhe.
7 Uzaxotshana* lezithandwa zakhe kodwa kasoze azifice,+Uzazidinga kodwa kasoze azithole.
Ekucineni uzakuthi, ‘Ngizabuyela kumkami,*+Ngoba ngisesekuye ngangingcono kulalokho esengiyikho khathesi.’+
8 Kazange ananzelele ukuthi yimi engamupha iwayini elitsha lamabele+ lamafutha,Lokuthi yimi engamnika isiliva esinengi kakhuluKanye legolide ayeselisebenzisa ukukhonza uBhali.+
9 ‘Yikho ngizaphenduka ngizothatha amabele ami ngesikhathi sawoLewayini lami elitsha ngesikhathi salo,+Ngizahluthuna lewulu yami lelineni yami obekuzavala ubunqunu bakhe.
10 Khathesi izitho zakhe zensitha ngizaziveza egcekeni zibonwe yizithandwa zakhe,Akulandoda ezamlamulela.*+
11 Ngizayiqeda du yonke intokozo alayo,Lemikhosi yakhe,+ lemikhosi yakhe yokuthwasa kwenyanga, lamasabatha akhe, layo yonke imikhosi yakhe yaminyaka yonke.
12 Ngizatshabalalisa izihlahla zakhe zamagilebisi lezomkhiwa, lezo athi ngazo:
“Lo ngumholo wami engiwuphiwe yizithandwa zami,”
Izihlahla lezo ngizazitshintsha zibe ligusu,Njalo zizaqedwa zinyamazana zeganga.
13 Ngizamjezisela izinsuku ayenikela ngazo imihlatshelo ezithombeni zikaBhali,+Ececa ngendandatho langamangqongqo futhi elandelana lezithandwa zakhe,Njalo esekhohliwe ngami,’+ kutsho uJehova.
14 ‘Ngakho ngizamncenga,Ngimuse enkangala,Ngikhulume laye kamnandi aze avume.
15 Kusukela ngalesosikhathi kusiya phambili ngizambuyisela amasimu akhe amagilebisi,+Ngimnike lesigodi se-Akhori+ sibe ngumnyango wethemba,Uzaphendula ekuleyondawo njengasezinsukwini zobutsha bakhe,Njengamhla ephuma elizweni leGibhithe.+
16 Ngalolosuku,’ kutsho uJehova,‘Wena uzangibiza uthi mkami, awusoze uphinde ungibize ngokuthi Nkosi yami.’*
17 ‘Ngizasusa amabizo ezithombe zikaBhali emlonyeni wakhe,+Amabizo azo awasoze aphinde akhunjulwe.+
18 Ngalolosuku ngizabenzela isivumelwano lezinyamazana zeganga,+Lenyoni zezulu kanye lezinanakazana ezihuquzelayo emhlabeni,+Ngizasusa idandili* lenkemba kanye lempi elizweni,+Ngibenze bahlale bengesabi lutho.*+
19 Ngizakuthatha ube ngowami kuze kube nini lanini,Ngiyathembisa ukuthi ngizakuphatha ngokulunga ngikwahlulele kuhle,Ngibe lothando oluqotho lesihawu kuwe.+
20 Ngiyafunga ukuthi ngizahlala ngithembekile kuwe,Loba sekutheni uzamazi uJehova.’+
21 ‘Ngalolosuku ngizaphendula,’ kutsho uJehova,‘Ngizaphendula amazulu,Amazulu aphendule umhlaba;+
22 Umhlaba uzanika amabele lewayini elitsha lamafutha impendulo yakho,Khona kuphendule uJeziriyeli.*+
23 Ngizazihlanyelela yena njengenhlanyelo emhlabathini,+Lowo obengatshengiswanga isihawu ngizamtshengisa isihawu,*Ngizakuthi kulabo abangayisibo bantu bami:* “Lingabantu bami,”+Bona bazakuthi: “UnguNkulunkulu wethu.”’”+
Amabala angaphansi
^ Kumbe, “ubuwule bakhe.”
^ Kumbe, “endodeni yami yokuqala.”
^ Kumbe, “Uzagijimisana.”
^ Kumbe, “ezamkhulula esandleni sami.”
^ Kumbe, “Bhali wami.”
^ Khangela iNgcazelo Yamabala.
^ Kumbe, “bevikelekile.”
^ Ibizo leli litsho ukuthi, “UNkulunkulu uzahlanyela inhlanyelo.”