UHosiya 5:1-15
-
U-Efrayimi loJuda bayahlulelwa (1-15)
5 “Zwanini lokhu lina baphristi,+Thiyani indlebe lina abendlu ka-Israyeli,Lilalele lina abendlu yenkosi,Ngoba yini elahlulelwayo,Lingumjibila eMizipha
Lingumambule owendlalwe* phezu kweThabhori.+
2 Abahlamuki kababulali nje bathela amanzi,Bonke ngiyabalimukisa.*
3 Ngiyamazi u-Efrayimi,Lo-Israyeli ngeke angicatshele.
Khathesi wena Efrayimi wenze ubuwule,*U-Israyeli usezingcolisile.+
4 Izenzo zabo azibavumeli ukuthi babuyele kuNkulunkulu wabo,Ngoba bayakuthanda ukwenza ubuwule,*+Kabalandaba loJehova.
5 Ukuzigqaja kuka-Israyeli kufakaza okubi ngaye,+U-Israyeli lo-Efrayimi bayakhubeka ngenxa yesono sabo,LoJuda uyakhubeka kanye labo.+
6 Bahamba bayadinga uJehova beqhuba imihlambi yabo,Kodwa abamtholanga.
Wayesesukile kubo.+
7 Bamtshiyile uJehova,+Ngoba bazele abantwana ngokungekho emthethweni.*
Bona lamasimu abo* bazatshabalaliswa ngenyanga eyodwa nje.
8 Tshayani uphondo+ eGibheya, likhalise icilongo eRama.+
Memezelani impi eBhethi-aveni,+ khokhela wena Bhenjamini.
9 Awu Efrayimi uzakuba yisiga ngelanga lokujeziswa kwakho.+
Sengenze kwaziwa okuzakwenzakala ezizwaneni zako-Israyeli.
10 Iziphathamandla zakoJuda* zinjengalabo abatshedisa umngcele.+
Ngizathululela ulaka lwami phezu kwazo njengamanzi.
11 U-Efrayimi usebunzimeni, uchotshozwe yisigwebo,Ngoba ubezimisele ukulandela isitha sakhe.+
12 Ngakho benginjengesibungu* ku-EfrayimiLanjengokubola endlini yakoJuda.
13 U-Efrayimi wathi ebona ukugula kwakhe, loJuda ebona isilonda sakhe,U-Efrayimi waya e-Asiriya+ wathumela ilizwi enkosini enkulu.
Kodwa ayizange yenelise ukulelapha,Loba ukwelapha isilonda senu.
14 Ngizakuba njengejongosi lesilwane ku-Efrayimi,Ngibe njengesilwane esilamandla endlini kaJuda.
Mina ngokwami ngizabadabudabula ngihambe,+Ngizabathwala ngihambe labo njalo kakho ozabakhulula.+
15 Ngizasuka ngibuyele endaweni yami baze bathwale ubunzima becala labo,Ngalesosikhathi bazafuna ukuthi ngibe lomusa kubo.+
Bazangidinga sebesebunzimeni.”+
Amabala angaphansi
^ Kumbe, “Liyinethi eyendlalwe.”
^ Kumbe, “ngizabalaya.”
^ Kumbe, “kawuziphathanga.”
^ NgesiHebheru, “balomoya wokufeba.”
^ Kumbe, “lezabelo zabo.”
^ Kumbe, “abantwana bezizweni.”
^ Kumbe, “Amakhosana akoJuda.”
^ Ibala lesiHebheru elisetshenziswe lapha litsho izibungu eziphaphayo ezidla amalembu.