UHosiya 7:1-16
7 “Nxa ngisithi ngelapha u-Israyeli,Amacala ka-Efrayimi ayavela egcekeni,+Kanye lobubi obenziwa eSamariya.+
Ngoba bahlala besenza ubuqili,+Amasela ayagqekeza njalo amaqembu ezigebenga ayahlasela phandle.+
2 Kodwa akuthi thiki enhliziyweni zabo ukuthi ngizakukhumbula konke okubi abakwenzayo.+
Izenzo zabo zibahanqile,Ngiyakubona konke abakwenzayo.
3 Bathabisa inkosi ngokwenza okubi,Bathabise leziphathamandla* ngobuqili babo.
4 Bonke bayizifebe,Batshisa njengeziko elibaselwe ngumpheki wezinkwa,Elingadingi ukuthi alikhwezele nxa esavoxa inhlama njalo emelele ukuthi ikhukhumale.
5 Iziphathamandla ziyagula* ngelanga lenkosi yethu,Zizonde ziyafa ngenxa yewayini.+
Inkosi idlelana labathanda ukweyisa.*
6 Inhliziyo zabo zivutha njengeziko.*
Umpheki wezinkwa uyalala ubusuku bonke,Kuthi ekuseni umlilo oseziko uvuthe kakhulu.
7 Bonke batshisa njengeziko,Bayabaqeda ababusi* babo.
Wonke amakhosi abo asewile,+Kakho phakathi kwabo ongibizayo ecela uncedo.+
8 U-Efrayimi uzihlanganisa lezizwe.+
U-Efrayimi unjengekhekhe eliyisigombolozi elingaphendulwanga.
9 Abezinye izizwe sebemqede amandla+ kodwa yena kakwazi.
Lenwele zakhe seziphenduke zaba mhlophe kodwa yena kananzeleli.
10 Ukuzigqaja kwabako-Israyeli kufakaza okubi ngabo,+Kodwa abazange babuyele kuJehova uNkulunkulu wabo,+Kabazange bamdinge lanxa bekusenzakala konke lokhu.
11 Abako-Efrayimi banjengejuba eliyisithutha, elingelangqondo.+
Badinge uncedo eGibhithe,+ baphinda bayaludinga e-Asiriya.+
12 Loba ngaphi lapho abayakhona ngizakwendlala umambule wami phezu kwabo.
Ngizabehlisela phansi njengenyoni zezulu.
Ngizabajezisa njengoba nje ngabaxwayisa emhlanganweni wabo.+
13 Maye kubo ngoba bangibalekele!
Kabehlelwe ngumonakalo ngoba bangonele.
Besengizimisele ukubahlenga kodwa bona bangiqambela amanga.+
14 Lanxa bebelokhu bekhala emibhedeni yabo,Abazange bangibize ngenhliziyo yonke bedinga uncedo.+
Bebezisikasika ngenxa yamabele abo lewayini labo elitsha,Bayangihlamukela.
15 Lanxa ngibafundisile ngaqinisa lengalo zabo,Balokhu bebumba amacebo amabi bephikisana lami.
16 Batshintshe izindlela zabo kodwa kabazange baye kokuphakemeyo,*Kabathenjwa njengedandili* elixegayo.+
Iziphathamandla zabo* zizabulawa ngenkemba ngenxa yamazwi azo okweyisa.
Lokhu kuzakwenza zibe yinhlekisa elizweni laseGibhithe.”+
Amabala angaphansi
^ Kumbe, “lamakhosana.”
^ Kumbe, “Amakhosana ayagula.”
^ Kumbe, “yelulele isandla sayo kwabaklolodayo.”
^ Ezinye inguqulo zithi, “Nxa besondela lamacebo ayingozi, izinhliziyo zabo ziyabe zinjengeziko.”
^ NgesiHebheru, “abahluleli.”
^ Lapha kutshiwo indlela yokukhonza ephakemeyo.
^ Khangela iNgcazelo Yamabala.
^ Kumbe, “Amakhosana abo.”
