UHosiya 9:1-17
9 “Ungathabi wena Israyeli,+Ungajabuli njengabantu bezinye izizwe,Wenze ubuwule ngokuphambuka kuNkulunkulu wakho,+Wathanda imbadalo yobuwule oyithola ezizeni zonke zokubhulela amabele.+
2 Bazakuswela ukudla ezizeni lasezikhamelweni zewayini,*Bazaliswela lewayini elitsha.+
3 Kabasoze baqhubeke behlala elizweni likaJehova,+U-Efrayimi yena uzabuyela eGibhithe,Adle ukudla okungcolileyo e-Asiriya.+
4 Abasoze baphinde bathulule iminikelo yewayini kuJehova,+Imihlatshelo yabo kayisoze imthokozise.+
Ifanana lesinkwa sokulila,Bonke abasidlayo bazangcola.
Isinkwa sabo sizakuba ngesabo bodwa,Kasisoze sinikelwe endlini kaJehova.
5 Lizakwenzani ngosuku lomhlangano,*Ngelanga lomkhosi kaJehova?
6 Bazabaleka sibili ngoba isitha sizabuya sibabhubhise.+
IGibhithe izabaqoqela ndawonye,+ iMemfisi ibangcwabe.+
Izinto zabo eziligugu ezenziwe ngesiliva zizagcwala ukhula oluhlabayo,Ameva amile ematendeni abo.
7 Ziyeza insuku zokwahlulelwa,+Ziyeza insuku zokujeziswa,Abako-Israyeli bazakwazi lokho.
Umphrofethi wabo uzakuba yisithutha, lamadoda azenza aphefumulelweyo azahlanya,Uzazondwa kakhulu ngoba amacala akho manengi okumangalisayo.”
8 Umlindi ka-Efrayimi+ wayeloNkulunkulu wami.+
Kodwa khathesi zonke izindlela zabaphrofethi+ bakhe zifanana lomjibila womuntu othiya inyoni,Yinzondo yodwa endlini kaNkulunkulu wakhe.
9 Sebengene bacwila ebubini njengasezinsukwini zeGibheya.+
Uzalikhumbula icala labo abajezisele izono zabo.+
10 “U-Israyeli ngamthola njengamagilebisi asegangeni.+
Okhokho babo ngababona njengezithelo zakuqala esihlahleni somkhiwa.
Kodwa bona baya kuBhali wasePheyori,+Bazinikela entweni elihlazo,*+Basebesenyanyeka njengaleyonto ababeyithanda.
11 Inkazimulo ka-Efrayimi iyaphapha ihambe njengenyoni,Akuselakubeletha lokuzithwala kanye lokuthatha isisu.+
12 Lanxa bengaze bakhulise abantwana,Ngizabathathela bona baze baphele,+Maye kubo nxa sengibafulathele!+
13 Ngesikhathi u-Efrayimi ehlanyelwe endaweni enhle* wayefanana leThire+ kimi,Khathesi u-Efrayimi sekumele alethe abantwabakhe bazobulawa.”
14 Awu Jehova baphe lokho okumele ubaphe khona,Isibeletho esichitha inzalo lamabele angelachago.
15 “Ububi babo basebubhahile eGiligali,+ yikho ngabazonda kuleyondawo.
Ngizabaxotsha baphume baphele endlini yami ngenxa yezinto ezimbi abazenzayo.+
Angisoze ngiphinde ngibathande;+
Zonke iziphathamandla zabo* ziyiziqholo.
16 Abako-Efrayimi bazaganyulwa bawele phansi.+
Impande zabo zizakoma njalo kabasoze bathele izithelo.
Lanxa bengaze bazale, ngizababulala abantwababo ababathandayo.”
17 UNkulunkulu wami uzabalahla,Ngoba abazange bamlalele,+Njalo bazazulazula* ezizweni.+
Amabala angaphansi
^ Lapha kutshiwo indawo okuvoxelwa kuyo amagilebisi.
^ Kumbe, “lomkhosi wenu obekiweyo.”
^ Kumbe, “kunkulunkulu owenyanyekayo.”
^ Kumbe, “emadlelweni.”
^ Kumbe, “Wonke amakhosana abo.”
^ Kumbe, “bazakuba yimihambuma.”
