UJobe 17:1-16
17 “Ngidabukile emoyeni, insuku zami sezisolobele,Sengimelelwe lingcwaba.+
2 Ngihanqwe ngabantu abangihlekayo,Sengitshona ngibukele+ izenzo zabo ezimbi.
3 Ngicela ungithembise ukuthi uzangincedisa.
Kambe ngubani omunye ongavuma ukunginceda?+
4 Ubancitshile ukuhlakanipha,+Yikho ungabaphakamisi.
5 Bakhetha ukwabelana labangane babo impahla yabo,Ngapha amehlo abantwababo ewele ngenxa yendlala.
6 Ungenze ngaba yinhlekisa ebantwini,+Bayangikhafulela ebusweni.+
7 Amehlo ami awasaboni kuhle ngenxa yobuhlungu engibuzwayo,+Wonke nje umzimba wami usuphelile.
8 Abalungileyo bayangikhangela babambe owangaphansi,Labangelacala bayabacaphukela abantu ababi.*
9 Olungileyo uqhubeka esenza okulungileyo,+Lalowo olezandla ezihlanzekileyo uqhubeka esiba lamandla.+
10 Ake libuye lonke lizongisola futhi,Ngoba akula loyedwa ohlakaniphileyo phakathi kwenu.+
11 Insuku zami seziphelile,+Amacebo ami lezifiso zami kuphelele emoyeni.+
12 Baqhubeka besenza ubusuku bube yimini,Besithi, ‘Njengoba sekumnyama kutsho ukuthi sekuzakhanya.’
13 Ngizahlala ngilindele ukuthi ingcwaba libe likhaya lami,+Ngendlale umbheda wami emnyameni.+
14 Ngizabiza igodi*+ ngithi, ‘Baba,’
Ngibize impethu ngithi, ‘Mama kumbe dadewethu.’
15 Pho lingaphi ithemba lami?+
Ukhona yini obona angathi ngiseselethemba?
16 Ithemba lami lizakwehlela engcwabeni,Ngizakuyangena lalo emhlabathini.”+
