UJobe 18:1-21
18 UBhilidadi+ umShuhi waphendula wathi:
2 “Kuzaze kube nini ulokhu ukhuluma kanje?
Tshengisa ukuthi ungumuntu ozwisisayo usivumele lathi sikhulume.
3 Ubona angathi sizinyamazana yini?+
Kumbe ucabanga ukuthi siyizithutha?
4 Lanxa ungazonda uze udubuke,Ubona angathi umhlaba ungasala ungamanxiwa ngenxa yakho,Lamadwala asuke endaweni yawo?
5 Isibane somuntu owenza okubi sizacitshwa,Lelangabi lakhe ngeke likhanyise.+
6 Ukukhanya okusetendeni lakhe kuzakuba mnyama,Lesibane esimkhanyiselayo sizacitshwa.
7 Lanxa ehaluzela uzacina esenyonyoba,Amacebo akhe azamgwenxa awe.+
8 Uzathi ehamba azithele enethini,Ibisimbamba imthandele.
9 Isithende sakhe sizabanjwa yisilaha,Unyawo lwakhe lubanjwe ngumjibila.+
10 Bafake intambo emhlabathini ukuze imgwenxe,Bamthiya ngesilaha endleleni.
11 Inhlupho kazimehli,+Indubo zimthwalise nzima.
12 Amandla akhe ayaphela,Ubunzima+ buzamenza adiyazele.
13 Ijwabu lakhe selidlekile;Umkhuhlane omubi usumudle izandla lenyawo.
14 Ukhitshwe etendeni lakhe ebelimvikela,+Waqhutshwa esiyabulawa kabuhlungu.
15 Etendeni lakhe kuzahlala izihambi,Umuzi wakhe uzathungelwa ngomlilo.*+
16 Impande zakhe zizawoma qha,Lengatsha zakhe zitshe.
17 Akulamuntu ozamkhumbula futhi,Abantu bazalikhohlwa ibizo lakhe.*
18 Bazamxotsha ekukhanyeni bamuse emnyameni,Bazamdudula elizweni elilomhlabathi ovundileyo.
19 Ngeke abe labantwana loba abazukulu,Kakho ozasala emzini wakhe.
20 Nxa ilanga lakhe lingafika, abantu beNtshonalanga bazakwesaba bathuthumele,LabaseMpumalanga bethuke baqhaqhazele.
21 Lokhu yikho okwenzakala etendeni lomuntu omubi,Lasendaweni yomuntu ongamaziyo uNkulunkulu.”
