UJobe 19:1-29
19 UJobe waphendula wathi:
2 “Kuzaze kube nini lilokhu lingihlupha,+Lingihlaba ngamazwi?+
3 Selingisole* okwezikhathi ezilitshumi,Alilanhloni zokungihlukuluza.+
4 Nxa kukhona engikuphambanisileyo,Icala ngelami.
5 Nxa liqhubeka lisithi lingcono kulami,Lisithi ubunzima engikubo bungifanele,
6 Ngicela lazi ukuthi nguNkulunkulu ongidukisileyo,Wangibamba ngenethi yakhe.
7 Ngiqhubeka ngikhala ngisithi, ‘Maye ngezinto ezimbi ezingehleleyo!’
Kodwa akula ongiphendulayo.+
Ngiqhubeka ngikhalela usizo kodwa akulalutho olwenziwayo.+
8 Indlela yami uyivale ngomduli wamatshe ukuze ngingadluli,Izindlela zami uzenze zaba mnyama.+
9 Ungithathele lonke udumo lwami,Wasusa umqhele ekhanda lami.
10 Ungihlasele macele wonke wangibhidliza.
Uquphule ithemba lami angathi uquphula isihlahla.
11 Ungithukuthelele kakhulu,Wangenza isitha sakhe.+
12 Amabutho akhe aqoqene angivimbezela,Ahanqe itende lami.
13 Abafowethu ubaxotshele khatshana lami,Lalabo abangaziyo sebengifulathele.+
14 Abangane bami sebengitshiyile,*Lalabo engibaziyo sebengikhohliwe.+
15 Izethekeli ezisemzini wami+ lezigqilikazi zami sezingiphatha njengomuntu wemzini,Kubo sengifanana lomuntu wezizweni.
16 Isisebenzi sami ngiyasibiza kodwa asisabeli,Sengize ngisincenga ukuthi singizwele.
17 Umkami uthi umlomo wami usumnukela,+Sengilephunga elibi kubafowethu.
18 Sengidelelwa langabantwana abancane,Lapho abangibona khona* bayangihleka.
19 Bonke abangane bami sebengenyanya,+Labo engibathandayo sebengihlamukele.+
20 Sengimathambothambo,+Kusele kancane ukuthi ngife.
21 Awu bakithi ngicela libe lesihawu kimi,Ngoba isandla sikaNkulunkulu singitshayile.+
22 Kungani lilokhu lingihlukuluza njengoNkulunkulu,+Lingihlasela kokuphela?+
23 Aluba nje amazwi ami ebengabhalwa phansi!
Aluba ebengalotshwa ebhukwini!
24 Aluba ebengabhalwa edwaleni ahlale kuze kube nini lanini,Abhalwe ngensimbi langomnuso!
25 Ngikwazi mhlophe ukuthi umhlengi wami+ ukhona,Uzafika ame phezu komhlaba.
26 Lanxa isikhumba sami singadleka siphele,Ngizambona uNkulunkulu ngisaphila.
27 Ngizambona ngamehlo ami,Ngizambona ngawami la, angisoze ngimbonelwe ngomunye.+
Kodwa umoya wami ubuhlungu!*
28 Liyabuzana lithi, ‘Kanti kungani esithi siyamhlupha?’+
Ngoba lithi yimi engizidalele uhlupho.
29 Lani kumele liyesabe inkemba,+Ngoba inkemba ijezisa labo abonayo.
Kumele lihlale likwazi ukuthi umahluleli ukhona.”+
Amabala angaphansi
^ Kumbe, “Selingithethise.”
^ Kumbe, “Izihlobo zami sezingitshiyile.”
^ NgesiHebheru, “Nxa ngisukuma.”
^ NgesiHebheru, “izinso zami azisasebenzi.”
