UJobe 24:1-25
24 “Kungani uSomandla engabeki usuku lokwahlulela ababi?+
Kungani abamaziyo bengakaliboni lelolanga?
2 Abantu bathatha umhlabathi wabanye,*+
Batshontshe izifuyo bazise emadlelweni abo.
3 Bathatha ubabhemi wentandane,Bathathe lenkabi yomfelokazi ukuthi ibe yisibambiso salokho akukweledileyo.+
4 Baxotsha abayanga emigwaqweni,Abadubekayo sebehlala becatshile ngenxa yokucindezelwa.+
5 Abayanga bagcwala indawo yonke bedinga ukudla njengobabhemi weganga,+Bedingela abantwababo ukudla enkangala.
6 Sekumele badle emasimini abanye,*Badobhe amagilebisi emasimini ababi.
7 Balala bengagqokanga ubusuku bonke ngoba abalampahla,+Abalakho okokwembatha nxa kuqanda.
8 Izulu liyabavoxa besezintabeni,Baze bazame ukucatsha emadwaleni.
9 Ababi bahluthuna intandane ebeleni likanina,+Bathathe isembatho somyanga sibe yisibambiso salokho akukweledileyo.+
10 Benza abaswelayo bahambe nqunu,Benza balambe lanxa bethwele izithungo zamabele.
11 Baxathulwa lilanga emaqaqeni besebenza nzima emasimini alemiduli yamatshe,*Bavoxa amagilebisi besenza iwayini kodwa basale bomile.+
12 Abantu bafa bebubula edolobheni,Abalimele kakhulu bayakhala becela uncedo,+Kodwa kuNkulunkulu akuthi thiki.
13 Kulabantu abakuzondayo ukukhanya,+Kabazifuni izindlela zakho,Kabazilandeli izindledlana zakho.
14 Umbulali uvuka ekuseni kakhulu,Abulale umuntukazana lomyanga,+Ebusuku ahambe etshontsha.
15 Isifebe simelela ukuthi kube mnyama,+Sithi, ‘Akulamuntu ozangibona!’+
Sihamba sizivale ubuso.
16 Amasela agqekeza izindlu zabantu ebusuku,Emini azivalele ezindlini zawo,Ngoba awakuthandi ukukhanya.+
17 Abenza okubi besaba ukusa ngendlela abanye abesaba ngayo ubusuku,Kodwa bona kabethuki lutho nxa behamba ebusuku.
18 Amanzi abakhukhula masinyane,Lomhlabathi wabo uzathukwa,+Bangaphindi babuyele emasimini abo amagilebisi.
19 Ingcwaba lizabaginya libaqede bonke abonileyo,+Njengoba nje lelanga liqeda ungqwaqwane ngesikhathi sendlala.
20 Omubi uzakhohlwa langunina, adliwe zimpethu aphele,Angaphindi akhunjulwe,+Labangalunganga bazaqunywa njengesihlahla.
21 Omubi uqilibezela owesifazana oyinyumba,Ahlukuluze umfelokazi.
22 UNkulunkulu uzabaqeda abayizikhulu ngoba ulamandla,Lanxa bengaphakanyiswa abalathemba lokuthi bazaphila.
23 UNkulunkulu uyabayekela bazihlalele kuhle bechelesile,+Kodwa ukukhangele konke abakwenzayo.+
24 Bayaphakanyiswa okwesikhatshana besebetshabalala.+
Banjengezikhwebu zamabele eziqunywa zibuthelelwe ndawonye;Bazakwehliswa ezikhundleni zabo+ njalo bafe njengabantu bonke.
25 Ukhona yini ongathi ngilamanga?
Ukhona yini ongangiphikisa?”
Amabala angaphansi
^ NgesiHebheru, “batshedisa umngcele.”
^ Ezinye inguqulo zithi, “Babutha ukudla kwenkomo emasimini.”
^ Ezinye inguqulo zithi, “Bahluza amafutha phakathi kwemiduli yamatshe.”