UJobe 33:1-33
33 “Khathesi-ke Jobe ngicela ulalele amazwi ami,Lalelisisa konke engizakutsho.
2 Khathesi lami sekumele ngiphose elami,Sekumele ngikhulume.
3 Amazwi ami atshengisa ukuthi ngiqotho enhliziyweni,+Lomlomo wami ukhuluma lonke iqiniso engilaziyo.
4 UNkulunkulu wangenza ngomoya wakhe,+Umoya kaSomandla yiwo owangenza ngaphila.+
5 Ungangiphendula nxa usenelisa,Lungiselela ukuzivikela, utsho okucabangayo.
6 KuNkulunkulu weqiniso mina lawe siyafanana,Lami ngabunjwa ngomhlabathi.+
7 Yikho ngicela ungangesabi,Amazwi ami awasoze akuqede amandla.
8 Mina ngikuzwile ukhuluma,Kudala ngikuzwa ulokhu usithi,
9 ‘Ngimsulwa angilacala,+Ngihlanzekile angilasono.+
10 Kodwa uNkulunkulu ulokhe engihlasela,Engenza isitha sakhe.+
11 Inyawo zami uzibophile,*Lezindlela zami zonke uyazihlolisisa.’+
12 Kodwa lokho okutshoyo akuqondanga, yikho ngizakuphendula.
UNkulunkulu mkhulu kakhulu kulabantu.+
13 Manje kungani umsola?+
Umsolela ukuthi kakuphendulanga yini?+
14 UNkulunkulu ukhuluma aphindaphinde,Kodwa akulamuntu omlalelayo.
15 Ukhuluma labantu ngamaphupho langemibono ebusuku,+Ngesikhathi belele nya,Bebubhuqa ubuthongo emibhedeni yabo.
16 Uvula indlebe zabo,+Abatshele imilayo yakhe,
17 Ukuze abakhuze batshiye ukwenza okubi,+Abasize bayekele ukuzigqaja.+
18 UNkulunkulu uyamnqanda umuntu ukuze angacini esesegodini,*+
Amvikele ukuze angabulawa yinkemba.
19 Umuntu ukhuzwa yibuhlungu abuzwa elele embhedeni wakhe,Langamathambo akhe ahlala eqaqamba.
20 Inhliziyo yakhe isimnyama,Usesala lokudla izibiliboco.+
21 Usephelile ngokucaka,Umzimba wakhe usumathambothambo.
22 Impilo yakhe ilengele egodini,*Abamfuna ephansi bayamzingela.
23 Nxa sikhona isithunywa esithunywe emuntwini,Esisodwa nje esimsekelayo phakathi kweziyinkulungwane,Ukuze simtshele okulungileyo,
24 UNkulunkulu uzakuba lomusa kuye athi,‘Msindise angangeni engcwabeni!*+
Sengimtholele inhlawulo!+
25 Ijwabu lakhe kalibe* butshelezi ukwedlula elomntwana,+Kabe lamandla njengasensukwini zobutsha bakhe.’+
26 Uzamncenga uNkulunkulu+ amlalele,Uzambona amemeze ngentokozo,UNkulunkulu uzaphinda amenze abe ngolungileyo.
27 Umuntu lo uzakuthi ebantwini,‘Ngonile,+ ngenze okungalunganga,Kodwa angizange ngithole lokho okungifaneleyo.
28 Usindise ukuphila kwami ukuze ngingayi engcwabeni,*+
Ngizaqhubeka ngikubona ukukhanya.’
29 UNkulunkulu uyamenzela konke lokhu umuntu,Umenzela kabili loba kathathu,
30 Ukuze amkhiphe egodini,*Aqhubeke ephila.+
31 Ngicela ungilalele Jobe, uzwe ukuthi ngithini!
Ngicela uthule ngikhulume.
32 Kodwa nxa ufuna ukungiphendula ukhululeke ukhulume,Ngoba ngifuna kukhanye ukuthi awulacala.
33 Nxa ungela okokutsho thula ulalele,Mina ngizakufundisa ukuhlakanipha.”
Amabala angaphansi
^ Kumbe, “Inyawo zami uzibophele emapulankeni amakhulu.” Khangela iNgcazelo Yamabala.
^ Kumbe, “esesengcwabeni.”
^ Kumbe, “engcwabeni.”
^ NgesiHebheru, “egodini.”
^ Kumbe, “Umzimba wakhe kawuvuselelwe ube.”
^ NgesiHebheru, “egodini.”
^ Kumbe, “engcwabeni.”
