UJobe 35:1-16
35 U-Elihu waqhubeka esithi:
2 “Ubona angathi uqondile sibili ukuthi usungaze uthi,‘Ngilungile ukwedlula uNkulunkulu’?+
3 Phela uthi, ‘Wena* ulendaba lakho yini ukuthi ngenza okulungileyo?
Kukhona yini engikuzuzileyo ngenxa yokuthi angonanga?’+
4 Ngizakuphendula wena
Labangane bakho.+
5 Khangela phezulu ubone,Khangela amayezi+ aphezulu khonale.
6 Nxa usona akula lapho omlimaza khona uNkulunkulu.+
Lanxa izono zakho zingaba zinengi akulalutho oyabe ulwenzile kuye.+
7 Nxa ulungile yena uzuzani?
Kuyini omnika khona?+
8 Okubi okwenzayo kukhathaza abantu kuphela,Lokulunga kwakho kunceda bona.
9 Abantu bayakhala nxa becindezelwa,Bakhalela ukukhululwa ebantwini ababaphatha ngesihluku.+
10 Kodwa akula loyedwa othi, ‘Ungaphi uNkulunkulu owangenzayo+
Owenza kuhlatshelwe izingoma zokudumisa ebusuku?’+
11 Uyasifundisa+ ukwedlula izinyamazana ezisemhlabeni,+Asenze sihlakaniphe kulenyoni ezisemoyeni.
12 Abantu bakhalela uncedo kodwa kaphenduli+
Ngenxa yokuzigqaja kwabenza okubi.+
13 UNkulunkulu kabalaleli abantu abakhala amanga,+USomandla kazihluphi ngokukhala kwabo.
14 Pho angakulalela yini wena ukhonona usithi awumboni?+
Udaba lwakho selusezandleni zakhe, ngakho lindela yena.+
15 Kazange akuthukuthelele akujezise.
Kazange abe lendaba lanxa ubukhuluma ungacabanganga.+
16 UJobe uvula umlomo wakhe ekhuluma into engekhoyo,Ukhuluma kakhulu yena engazi lutho.”+
Amabala angaphansi
^ Lapha kungabe kutshiwo uNkulunkulu.
