UJobe 8:1-22
8 UBhilidadi+ umShuhi+ waphendula wathi:
2 “Kuzaze kube nini ulokhu ukhuluma kanje?+
Amazwi akho anjengomoya ovunguzayo!
3 Kambe uNkulunkulu angahlulela kubi?
USomandla angakwenza yini okungalunganga?
4 Nxa kuyikuthi abantwabakho bonile,Ubajezisile ngenxa yokuhlamuka kwabo.
5 Kodwa aluba ubungathembela kuNkulunkulu,+Umncenge uSomandla ukuthi abe lomusa kuwe,
6 Aluba ubuhlanzekile futhi usenza okulungileyo,+Yena ubezakulinda,*Akubuyisele endaweni yakho efaneleyo.
7 Lanxa uqalise uphansi,Ikusasa lakho belizakuba lihle.+
8 Ngicela uhlole imbali yezizukulwane ezedlulayo,Ubone ukuthi oyise batholani,+
9 Ngoba thina sizelwe izolo futhi asazi lutho,Lensuku zethu sisemhlabeni ziyedlula njengomthunzi.
10 Kabasoze bakufundise yini,Bakutshele lokho abakwaziyo?*
11 Imizi ingakhula ibe mide yini ingekho exhaphozini?*
Lemihlanga ingakhula yini lapho okungelamanzi khona?
12 Izathi iseselamaluba nje ingakasitshunwa,Ihle itshe yome kuqala kulobunye utshani.
13 Leso yiso isiphetho sabo bonke* abakhohlwa uNkulunkulu,Ithemba lomuntu owenza okubi* lizatshabalala,
14 Lowo othemba izinto eziyize
Ithemba lakhe aliqinanga, linjengobulembu.*
15 Uzakweyama endlini yakhe kodwa izadilika,Azame ukubambelela kuyo kodwa yona iwe.
16 Ufanana lesihlahla esithelelwayo esiselangeni,Esilengatsha ezigcwele ingadi yonke.+
17 Impande zakhe zithandele enqumbini yamatshe,Udinga indlu yokuhlala ematsheni lawo.
18 Kodwa nxa engasitshunwa endaweni yakhe,Indawo yakhe izamphika ithi, ‘Angikaze ngikubone.’+
19 Le yiyo indlela azanyamalala ngayo,+Besekumila abanye endaweni yakhe.
20 UNkulunkulu kasoze abalahle labo abaqhubeka beqotho,*Kasoze abasekele* abenza okubi.
21 Uzakwenza ukuthi uphinde uhleke
Njalo umemeze ngentokozo.
22 Abakuzondayo bazayangeka,Letende labantu ababi lizatshabalala.”
Amabala angaphansi
^ Kumbe, “ubezaphakama akusize.”
^ NgesiHebheru, “Bakhiphe amazwi ezinhliziyweni zabo?”
^ Kumbe, “eteteni.”
^ NgesiHebheru, “Le yiyo indlela yabantu.”
^ Kumbe, “ohlamukayo.”
^ NgesiHebheru, “linjengendlu yesayobe.”
^ Kumbe, “abamsulwa.”
^ NgesiHebheru, “ababambe isandla.”
