UJoshuwa 12:1-24
12 Abako-Israyeli bawanqoba amakhosi ayebusa elizweni elisempumalanga komfula uJodani, bathatha amazwe awo kusukela esigodini se-Arinoni+ kuze kuyefika entabeni iHemoni+ kanye layo yonke i-Arabha kusiya ngasempumalanga.+
2 Omunye wamakhosi la kwakunguSihoni+ inkosi yama-Amori. Wayehlala eHeshibhoni njalo wayebusa e-Aroweri+ eyayisemqolweni wesigodi se-Arinoni.+ lndawo yonke kusukela phakathi kwesigodi se-Arinoni kuze kuyefika esigodini seJabhokhi yayingeyakhe njalo wayebusa lengxenye yeGiliyadi. Isigodi seJabhokhi sasiphinda sibe ngumngcele wama-Amoni.
3 Wayebusa le-Arabha kuze kuyefika eLwandle lweKhinerethi*+ empumalanga, atshaye aze ayefika eLwandle lwe-Arabha, uLwandle Lwesawudo. Umbuso wakhe wawuthatha leBhethi-jeshimothi eseduze loLwandle Lwesawudo, uqhubeke uze uyefika eduze lentaba iPhisiga+ eseningizimu.
4 Bathatha lelizwe lika-Ogi+ inkosi yeBhashani owayengomunye wamaRefayimi+ okucina. Wayehlala e-Ashitharothi lase-Edreyi,
5 ebusa entabeni iHemoni leSalekha leBhashani+ yonke, kuze kuyefika emngceleni wamaGeshuri lamaMahakhathi+ lengxenye yeGiliyadi, kusiyafika elizweni likaSihoni inkosi yeHeshibhoni.+
6 Amakhosi la anqotshwa+ nguMosi inceku kaJehova kanye labako-Israyeli. Ngemva kwalokho uMosi inceku kaJehova wanika abakoRubheni labakoGadi lengxenye yesizwana sakoManase ilizwe lawo.+
7 UJoshuwa labako-Israyeli banqoba amakhosi amanengi ayebusa entshonalanga komfula uJodani, kusukela eBhali-gadi+ esigodini seLebhanoni+ kuze kuyefika entabeni iHalakhi+ ekhangelene leSeyiri.+ Ngemva kwalokho uJoshuwa wabela+ izizwana zako-Israyeli ilizwe lelo.
8 Kwakulilizwe lezintaba kanye leShefela, le-Arabha, lenkangala leNegebhi.+ Ilizwe leli lalingelamaHithi, lama-Amori,+ lamaKhenani, lamaPherizi, lamaHivi kanye lamaJebusi.+ Amakhosi abawanqobayo yilawa:
9 Inkosi yeJerikho,+ lenkosi yedolobho le-Ayi+ elaliseceleni kweBhetheli,
10 lenkosi yeJerusalema, lenkosi yeHebroni,+
11 lenkosi yeJamuthi, lenkosi yeLakhishi,
12 lenkosi ye-Egiloni, lenkosi yeGezeri,+
13 lenkosi yeDebhiri,+ lenkosi yeGederi,
14 lenkosi yeHoma, lenkosi ye-Aradi,
15 lenkosi yeLibhina,+ lenkosi ye-Adulamu,
16 lenkosi yeMakheda,+ lenkosi yeBhetheli,+
17 lenkosi yeThaphuwa, lenkosi yeHeferi,
18 lenkosi ye-Afekhi, lenkosi yeLasharoni,
19 lenkosi yeMadoni, lenkosi yeHazori,+
20 lenkosi yeShimironi-meroni, lenkosi ye-Akhishafi,
21 lenkosi yeThanakhi, lenkosi yeMegido,
22 lenkosi yeKhedeshi, lenkosi yeJokhiniyamu+ eseKhameli,
23 lenkosi yedolobho laseDori+ elisemawatheni* ezintaba zeDori, lenkosi yeGoyimi eseGiligali,
24 lenkosi yeThiriza. Wonke amakhosi la ayengu-31.
Amabala angaphansi
^ Lapha kutshiwo uLwandle lweGenesaretha kumbe uLwandle lweGalile.
^ Iwatha licele lentaba eliseduze lalapho eqala khona ukuqansa.
