UMalakhi 4:1-6
4 “Luyeza usuku oluvutha njengomlilo,+ lapho bonke abaziphakamisayo labenza okubi abazakuba njengamahlanga. Bazatshabalaliswa bonke ngalolosuku,” kutsho uJehova wamabutho, “futhi akulagatsha loba impande ezasala kubo.
2 Kodwa lina elihlonipha* ibizo lami lizakhanyiselwa lilanga lokulunga elilemisebe esilisayo* njalo lizaqolotsha njengamathole anonileyo.”
3 “Mhla ngikwenza lokhu lizabanyathela ababi ngoba bazakuba njengothuli ngaphansi kwenyawo zenu,” kutsho uJehova wamabutho.
4 “Khumbulani uMthetho wenceku yami uMosi, olezimiso lezahlulelo engazinika bonke abako-Israyeli eHorebhi ukuthi bazilalele.+
5 “Ngizathuma umphrofethi u-Elija+ kini lungakafiki usuku lukaJehova olukhulu lolwesabekayo.+
6 Uzaphendula izinhliziyo zabobaba zibe njengezamadodana,+ lezamadodana zibe njengezaboyise,* ukuze ngingabuyi ngizotshaya umhlaba ngiwutshabalalise.”
Amabala angaphansi
^ NgesiHebheru, “elesaba.”
^ NgesiHebheru, “elilempiko ezisilisayo.”
^ Kumbe, “Uzaphendulela izinhliziyo zabobaba ebantwaneni lezabantwana kuboyise.”
