Ukuhlolisisa okwenziwe emazweni atshiyeneyo a kutshengisa ukuthi umuntu oyedwa kwabane uhlaselwe yisizungu.

•   “Loba ngubani angahlaselwa yisizungu kungelani lokuthi unganani kumbe ukuthi uhlala ngaphi.”—UChido Mpemba, cochair of the World Health Organization’s Commission on Social Connection.

 Abanye abantu bacabanga ukuthi abantu abahlala bodwa kumbe asebekhulile yibo abahlutshwa yisizungu. Kodwa isizungu siyabahlasela labasakhulayo, abantu abaqinileyo emzimbeni, abalemali kanye labatshadileyo. Isizungu kumbe ukuzehlukanisa labanye kuyayiphambanisa kakhulu impilakahle yomuntu.

•   “Isizungu ayisonto okumele ithathwe kancane. Siyingozi sibili ngoba nxa umuntu angahlala ezehlukanisa labanye kumbe angabi labangane angacina efile. Umuntu oyenza njalo ufanana lomuntu obhema imihlanga yegwayi engu-15 ngelanga.”—Dr. Vivek Murthy, U.S. surgeon general.

 UMdali wethu kafuni sizehlukanise labanye. UNkulunkulu wayevele ehlose ukuthi sibe labangane futhi sikholise ukuba labo.

•   Okutshiwo liBhayibhili: “UNkulunkulu wathi: ‘Akukuhle ukuthi umuntu aqhubeke eyedwa.’”—UGenesisi 2:18.

 UNkulunkulu ufuna sibe ngabangane bakhe. Uthi nxa singazimisela ukusondela kuye laye uzasondela kithi.—UJakhobe 4:8.

•   Okutshiwo liBhayibhili: “Bayathokoza abakunanzelelayo ukuthi bayamdinga uNkulunkulu ngoba uMbuso wezulu ngowabo.”—UMathewu 5:3.

 UNkulunkulu ufuna simkhonze sindawonye labanye. Ukwenza njalo kuyasinceda ukuthi sithokoze.

•   Okutshiwo liBhayibhili: “Asicabanganeni ukuze sivuselelane ethandweni lasemisebenzini emihle, singayekeli ukuhlangana ndawonye. . . . Kodwa asikhuthazaneni.”—KumaHebheru 10:24, 25.

 Ukuze ubone ukuthi kungani kuqakathekile ukuthi ulwisane lesizungu bala isihloko esithi “Ukuba Nesizungu Ezweni Eligcwele Ezokuxhumana.”