Amakhosi omhlaba kanye lenhlanganiso ezitshiyeneyo bayehluleka ukwenza ukuthi kube lokuthula emhlabeni. Akukaze kube lezimpi ezinengi kangaka selokhu kwaphela iMpi Yomhlaba Yesibili. Sikhuluma nje, kulabantu abangaba yi-2 bhiliyoni abahlala ezindaweni ezihlaselwe yizimpi.

 Kungani abantu besehluleka ukwenza ukuthi kube lokuthula? IBhayibhili lona lithini ngendaba le?

1.  1. Abantu lamuhla balobuntu obenza kube nzima ukuthi kube lokuthula emhlabeni. IBhayibhili lavele latsho ukuthi ngensuku zokucina ‘abantu bazakuba ngabazithandayo, labathanda imali, labazigqajayo, labaziphakamisayo, labangathembekanga, labangafuni isivumelwano, labangazikhuziyo, labalolaka, labalenkani, labazikhukhumezayo.’—2 KuThimothi 3:2-4.

2.  2. Abantu abenelisi ukuqeda inhlupho ezikhona bengancediswa nguMdali wabo uJehova a uNkulunkulu. IBhayibhili lithi “umuntu kaliphiwanga ilungelo lokuqondisa izinyathelo zakhe.”—UJeremiya 10:23.

3.  3. Umhlaba ungaphansi kwamandla ombusi omubi, uSathane uDeveli, onguye ‘odukisa umhlaba wonke.’ (ISambulo 12:9) Ingqe nje “umhlaba wonke ungaphansi kwamandla kaSathane” kuzahlala kulezimpi leziphithiphithi.—1 UJohane 5:19.

 IBhayibhili lisitshela ukuthi uNkulunkulu nguye ozakwenza ukuthi kube lokuthula emhlabeni hatshi abantu.

•   “‘Ngikwazi kuhle lokho engikucabangayo ngani,’ kutsho uJehova, ‘ngifuna libe lokuthula, hatshi ukuthi lehlelwe ngokubi, ngifuna ukulinika ithemba kanye lekusasa elihle.’”—UJeremiya 29:11.

 UNkulunkulu uzakwenzani ukuze agcwalise isithembiso lesi? IBhayibhili lithi ‘uNkulunkulu onika ukuthula uzachoboza uSathane.’ (KwabaseRoma 16:20) Uzasebenzisa uhulumende wakhe osezulwini obizwa ngokuthi ‘nguMbuso kaNkulunkulu,’ ukuze alethe ukuthula emhlabeni wonke. (ULukha 4:43) INkosi yoMbuso lo nguJesu Khristu futhi uzafundisa abantu ukuthi bahlalisane ngokuthula.—U-Isaya 9:6, 7.

•   Ukuze uthole okunengi ngendaba le, bala isihloko esithi “Kuyini Okuzakwenziwa NguMbuso KaNkulunkulu?”