Kuyini Okuzakwenziwa NguMbuso KaNkulunkulu Ngohulumende Abalobugwelegwele?
Abantu bathwele nzima ngenxa yabakhokheli bezombusazwe abangamaqili. Bayafuna ukukhokhelwa nguhulumende abangamthemba. Ukuhlolisisa okwenziwe emhlabeni wonke ngo-2023 kutshengisa ukuthi phakathi kwabantu abangasathenjwayo, abakhokheli bezombusazwe yibo abahamba phambili. a
IBhayibhili lisitshela ngohulumende okhokhelwa ngumuntu othembekileyo futhi ongelabuqili. Uhulumende lo nguMbuso kaNkulunkulu futhi uMkhokheli wawo nguJesu Khristu.—U-Isaya 9:7.
Ngesikhathi uJesu elapha emhlabeni watshengisa ukuthi uyabathanda sibili abantu futhi ulendaba labo. (UMathewu 9:35, 36) UJesu uyiNkosi yoMbuso kaNkulunkulu yikho uzakwahlulela kuhle njalo bonke abantu abazabuswa nguye bazahlala ngokuthula.—IHubo 72:12-14.
a 2023 Edelman Trust Barometer Global Report.