Emhlabeni wonke, impilo ilokhu isiba nzima ebantwini abanengi ngoba kunzima ukuthi bathole imali eyeneleyo yokuthenga izinto eziqakathekileyo empilweni.

•   Enye inhlanganiso emela abantu abesebenzayo a emhlabeni wonke ibika ukuthi “imali abantu abayiholayo ayiseneli indleko zabo.” Ithi nxa uhlupho lolu lungasalungiswanga ‘kuzakuba lomehluko omkhulu phakathi kwabantu abanothileyo labanganothanga okokuthi izimuli zalabo abanganothanga ziyabe zingasenelisi ukuthenga lokho ezazijayele ukukuthenga kuqala.’

 Kambe ukuthi ohulumende bangalulungisa yini uhlupho lokuwa kwezomnotho?

 IBhayibhili lithi kulohulumende ozaqeda zonke inhlupho ezibangelwa yikuwa kwezomnotho ubususenza ukuthi abantu bonke bathole okulinganayo. Lithi “uNkulunkulu osezulwini uzabeka umbuso” kumbe uhulumende ozakwenza ukuthi kube lokulingana kubo bonke abantu. (UDanyeli 2:44) EMbusweni lo akulamuntu ozakhohlakala. (IHubo 9:18) UMbuso kaNkulunkulu uzakuba leqiniso lokuthi wonke umuntu uyakuthola akudingayo ukuze aphile impilo emnandi. Wonke umuntu uzathokoza ngokusebenza kwakhe gadalala.—U-Isaya 65:21, 22.