Ngo-2023 izingcitshi zempilakahle zikhiphe umbiko otshengisa ukuthi abantu abanengi bathwaliswe nzima yisizungu futhi zithi uhlupho lolu kumele lulungiswe masinyane. Kungenziwani ukuze lulungiswe?

•   UVivek Murthy (U.S. surgeon general) uthi: “Isizungu lokuzehlukanisa labanye sekuyiphambanise kakhulu impilakahle yabanengi.” Uqhubeka esithi: “Kodwa kukhona ngamunye wethu angakwenza.” Singenzani? “Singenza izinto ezincane nsuku zonke ezingaqinisa ubungane bethu labanye.” a

 Isizungu asihlaseli abantu abahlala bodwa kuphela. Kodwa abanye baba lesizungu lanxa bephakathi kwabantu. IBhayibhili lingasinceda kungelani lokuthi kuyini okusenza sibe lesizungu. Lilamacebo angasinceda sibone ukuthi singabuqinisa njani ubungane bethu labanye ukuze silwisane lesizungu.

 Hlala uxoxa labanye. Lokhu akutsho ukuthi sekumele kuhlale kunguwe otshela abanye indlela ozizwa ngayo kodwa lawe kumele ulalele nxa abanye bekhuluma. Nxa ungatshengisa ukuthi ulendaba labo, ubungane benu buzaqina.

•   Okutshiwo liBhayibhili: “Lingaqakathekisi lokho okufunwa yini kuphela kodwa liqakathekise lalokho okufunwa ngabanye.”—KwabaseFiliphi 2:4.

 Woba labangane abatshiyeneyo. Zimisele ukuba labangane abadala kumbe abancane kulawe loba abalamasiko atshiyene lawakho kumbe abavela kwamanye amazwe.

•   Okutshiwo liBhayibhili: “Lizivule ngokupheleleyo inhliziyo zenu.”—2 KwabaseKhorinte 6:13.

 Nxa ufuna ukuthola okunengi ngokuthi ungenzani ukuze uqinise ubungane bakho labanye bala isihloko esithi “Ukwanelisa Isifiso Sethu Sokuba Nabangane.”