UJesu uyabazi ubuhlungu abantu ababuzwayo nxa bengaphathwanga kuhle. Phela waqanjelwa amanga, watshaywa engonanga, wagwetshelwa icala angalaziyo futhi wabulawa ngendlela ebuhlungu kakhulu. Lanxa wayengonanga lutho, wayezimisele ‘ukunikela ngempilo yakhe ukuze ibe yinhlawulo yabanengi.’ (UMathewu 20:28; UJohane 15:13) Sekuseduze ukuthi asebenzise amandla alawo njengeNkosi yoMbuso kaNkulunkulu ukuthi abuqede du bonke ubugebenga.—U-Isaya 42:3.

 Zwana ukuthi iBhayibhili lithi uJesu uzakwenzani ukuze aqede ubugebenga lokuthi impilo izabe isinjani ngalesosikhathi:

•   “Sekusele isikhathi esincane nje ukuthi ababi babe bengasekho. Uzakuthi ukhangela lapho ababekhona, ubone bengasekho. Kodwa abathobekileyo bazakudla ilifa lomhlaba. Bazathokoza kakhulu ngoba kuyabe sekulokuthula okukhulu.”—IHubo 37:10, 11.

 Manje singatshengisa njani ukuthi siyabonga ngalokho uJesu asenzele khona lalokho azasenzela khona esikhathini esizayo? KuLukha 22:19 uJesu watshela abalandeli bakhe ukuthi bakhumbule ukufa kwakhe. Lokhu yikho okwenza oFakazi bakaJehova babuthane umnyaka ngamunye ukuze bakhumbule ukufa kukaJesu. Siyakunxusa lawe eSikhumbuzweni sokufa kukaJesu esizabakhona ngeSonto mhlaka 24 March 2024.

Dinga iSikhumbuzo