Emhlabeni wonke kulabantu abangezwayo endlebeni abangaba yi-70 miliyoni futhi basebenzisa izindimi zezandla ezedlula 200. Kodwa okudanisayo yikuthi abantu abangezwayo endlebeni abaphathwa kuhle, njengoba imibiko elandelayo itshengisa:

•   “Emhlabeni jikelele amalungelo abantu abangezwayo endlebeni lalabo abazwela khatshana awaqakathekiswa kangako.”—National Association of the Deaf (U.S.).

•   “Abantu abangezwayo endlebeni abahlala emazweni asathuthuka bangabayanga bokucina. Izikhathi ezinengi abatholi imfundo eyeneleyo, imisebenzi kanye lokunye nje okuqakathekileyo empilweni.”—World Federation of the Deaf.

 UNkulunkulu ubabona njani abantu abangezwayo endlebeni? IBhayibhili lithini ngabo? OFakazi bakaJehova babancedisa njani?

UNkulunkulu Ubabona Njani Abantu Abangezwayo Endlebeni?

 IBhayibhili likwenza kucace ukuthi uJehova a uNkulunkulu uyabaqakathekisa abantu abangezwayo endlebeni. Ufuna baphathwe kuhle futhi bathole imfundo ayinika abantu bakhe lamuhla.

 Ivesi: “Akumelanga uthethise umuntu oyisacuthe.”—ULevi 19:14.

 Ivesi: “UNkulunkulu kakhethi.”—ImiSebenzi 10:34.

 Ivesi: “UJesu waqalisa ukubhoda wonke amadolobho . . . , etshumayela izindaba ezinhle zoMbuso.”—UMathewu 9:35.

 Ivesi: UJesu wenza ‘ukuthi izacuthe zizwe lezimungulu zikhulume.’—UMakho 7:37.

 Ivesi: ‘Indlebe zezacuthe zizavulwa.’—U-Isaya 35:5.

 Okutshiwo Yivesi Le: UJehova uthembisa ukuthi abangezwayo endlebeni bazakuzwa.—U-Isaya 29:18.

OFakazi BakaJehova Babancedisa Njani Abangezwayo Endlebeni?

 OFakazi bakaJehova emhlabeni wonke bayabatshumayeza abangezwayo endlebeni ukuze babatshele ngalokho uNkulunkulu azabenzela khona esikhathini esizayo. Sikwenza njani lokhu? Sihumutsha amaBhayibhili kanye lamavidiyo asekelwe eBhayibhilini ngezindimi zolimi lwezandla ezedlula 100. Kanti njalo siphinda sifundise abantu iBhayibhili futhi sibe lemihlangano yebandla ngolimi lwezandla. Konke lokhu sikwenza mahala ngoba uJesu wathi: “Liphiwe mahala, phanini mahala.”—UMathewu 10:8.

 Konke lokhu uyenelisa ukukuthola ngendlela lezi ezilandelayo:

 I-JW.ORG. Hlaba isayini yokukhetha ulimi etholakala phezulu ekhasini ngalinye kuwebhusayithi yethu ukuze udinge ulimi lwezandla olufunayo.

 I-JW Library Sign Language app. Dawuniloda i-application le ukuze wenelise ukudawuniloda kumbe ukubukela amavidiyo olimi lwezandla.

Yiziphi Izinto Zolimi Lwezandla Esilazo?

 IBhayibhli ngolimi lwezandla. I-Nguqulo Yomhlaba Omutsha YeMibhalo Engcwele yolimi lwezandla lwe-America liBhayibhili lokuqala ukuhunyutshwa emhlabeni wonke. Khathesi i-Nguqulo Yomhlaba Omutsha isitholakala ngezindimi ezinengi zolimi lwezandla igcwele loba iyingxenye. Izindimi lezi zilokhu zingezeleleka umnyaka ngamunye. (Ukuze ubone uluhlu lwezindimi kumbe ubukele ukubalwa kweBhayibhili ku-inthanethi, khangela ibhokisi elithi “I- Nguqulo Yomhlaba Omutsha Ngolimi Lwezandla.”)

•   Bukela ividiyo ethi The Complete New World Translation Is Available in ASL ukuze ubone umsebenzi owenziwayo ngesikhathi kuhunyutshwa iBhayibhili lolimi lwezandla.

•   Dawuniloda i-JW Library Sign Language app ukuze ubukele ukubalwa kweBhayibhili. I-application le iyakuvumela ukuthi ukhethe ukubalelwa amavesi athile ngolimi lwezandla.

•   UDmytro lomkakhe uVita abezwa endlebeni kodwa abantwababo bayezwa. Zwana ukuthi imuli yabo incedakala njani ngokubukela ukubalwa kweBhayibhili ngolimi lwezandla nsuku zonke.

 Amavidiyo afundisa ngeBhayibhili. OFakazi bakaJehova benze amavidiyo olimi lwezandla anceda abantu ukuthi bazwisise iBhayibhili futhi bakusebenzise abakufundayo. Amavidiyo la alamacebo anceda . . .

•   Izimuli

•   Abasakhulayo

•   Abantwana

 Silohlelo lokufundisa abantu iBhayibhili. Funda iBhayibhili ngolimi lwezandla ngesikhathi osifunayo uncediswa ngomunye wethu. Cela ukufunda iBhayibhili mahala ukuze ubone ukuthi kwenziwa njani.

 UJeson Senajonon uhlala ePhilippines. Zwana ukuthi ukufunda iBhayibhili kwamnceda njani ukuthi abe ngumngane kaNkulunkulu.

 UMario Antúnez wayengumfundisi eHonduras. Bala isihloko esithi “Ngangilemibuzo Eminengi” ukuze uzwe ukuthi iBhayibhili layiphendula njani imibuzo ayelayo.

 Imihlangano kanye leminye imibuthano. Silamabandla kanye lamaqembu olimi lwezandla emhlabeni wonke, lapho abantu abangezwayo endlebeni abahlangana khona maviki wonke ukuze bafunde iBhayibhili njalo bakhonze uNkulunkulu. Siphinda sibe lemihlangano emikhulu yolimi lwezandla minyaka yonke enceda abangezwayo endlebeni ukuthi bafunde okunengi eBhayibhilini. Emihlanganweni esiba layo, labo abangezwayo endlebeni njalo bengaboni bayatolikelwa kusetshenziswa ulimi lwezandla okuthiwa yi-tactile. Siphinda sibe lamabhuku e-braille esiwanika abantu mahala.

•   Thola ibandla eliseduze lalapho ohlala khona.

•   Zwana okunengi ngemihlangano yesabelo leyesiqinti esiba layo.

•   Ngena iSikhumbuzo sokufa kukaJesu ngoba lo ngumbuthano oqakathekileyo esiba lawo kanye ngomnyaka.

 UJosé Luis Ayala uhlala eMexico. Wazalwa engezwa endlebeni njalo ngokuhamba kwesikhathi waba yisiphofu. Bukela ividiyo le ukuze ubone ukuthi kuyini okwamnceda ukuthi enelise ukufundisa abanye iBhayibhili.