UPhawuli loSila babedumisa uNkulunkulu ngokuhlabela ingoma ngesikhathi bebotshiwe. (ImiSeb 16:25) Abazalwane abanengi ababebotshiwe kwenye inkamba yamaNazi eGermany kanye lalabo ababehanjiswe eSiberia babehlabela izingoma zoMbuso. Izibonelo lezi ziveza ukuthi izingoma zilamandla okwenza amaKhristu akhuthazele lanxa ephakathi kobunzima.

Isihlabelelo esitsha esithi “Sing Out Joyfully” to Jehovah sizaba khona ngendimi ezinengi. Ukuze sizibambe ngekhanda ingoma lezi kumele ngaso sonke isikhathi siziphrakithize nxa sisenza ukukhonza kwemuli. (Ef 5:19) Umoya ongcwele uzasisiza ukuthi sizikhumbule nxa sesisebunzimeni. Izingoma zoMbuso zingasisiza ukuthi sihlale silethemba njalo zingasiqinisa ngezikhathi ezinzima. Amazwi ezingoma zoMbuso enza ‘siphakamise ilizwi ngentokozo’ kungelani lokuthi izinto zisihambela kuhle kumbe sisebunzimeni. (1Lan 15:16, TBS; Hu 33:1-3) Ngakho sonke kasizimiseleni ukuzihlabela izingoma zethu zoMbuso.

BUKELA IVIDIYO ETHI INGOMA EYAKHUTHAZA IZIBOTSHWA, UBUSUPHENDULA IMIBUZO ELANDELAYO:

• Kuyini okwenza uMfowethu uFrost wabhala ingoma?

• Ingoma leyo yabaqinisa njani abazalwane ababesejele eGermany?

• Kunini lapho izingoma zoMbuso ezikuqinisa khona?

• Yiziphi izingoma zoMbuso ofuna ukuzazi ngekhanda?