Samukele obani? Loba ngubani obuya emihlanganweni yethu, kungaba ngabantu esiqala ukubabona kumbe abangane bethu esabacina kudala. (Ro 15:7; Heb 13:2) Kungenzakala ngumzalwane wethu ovela kwelinye ilizwe kumbe omunye umKhristu oseleminyaka engasayifezi kuhle inkonzo. Ake uzicabange kunguwe osesimeni esinjalo. Ungezwa njani nxa bangakwemukela kuhle? (Mt 7:12) Zama ngaso sonke isikhathi ukuphangisa ukufika emihlanganweni, uphuze ukusuka ukuze ubingelele bonke abayabe bekhona. Lokhu kwenza sikholise ukuba lapho futhi kuyamdumisa uJehova. (Mt 5:16) Eqinisweni asisoze senelise ukuxoxa labantu bonke abayabe bekhona. Kodwa singababingelela, bazakuzwa bemukelekile. *

Akumelanga sibemukele kuhle ngeSikhumbuzo kuphela kodwa kufanele sikwenze sikhathi sonke. Nxa labo abasivakatsheleyo bebona uthando esilalo bangafisa labo ukuba yizikhonzi zikaNkulunkulu.—Joh 13:35.