IMPILO YAMAKHRISTU
Ukutshumayela Lokufundisa Kuqakathekile Emsebenzini Wokwenza Abafundi
UJesu walaya abalandeli bakhe ukuthi bahambe bayekwenza abafundi. (Mt 28:19) Lokhu kugoqela ukutshumayela lokufundisa. Kufanele sihlale sizibuza ukuthi, ‘Ngingenzani ukuze ngithuthuke endleleni engitshumayela ngayo lengifundisa ngayo emsebenzini lo wokwenza abafundi?’
UKUTSHUMAYELA
Kulokuthi simelele abantu kube yibo abasilandayo kumele sisebenze gadalala sidinga abantu ‘abafaneleyo.’ (Mt 10:11) Nxa sitshumayela kumele siwasebenzise amathuba okuxoxa labantu ‘abakhonapho.’ (ImiSeb 17:17) ULidiya wacina esengumfundi ngenxa yokutshumayela ngokuzimisela kukamphostoli uPhawuli.—ImiSeb 16:13-15.
“Hlanyela inhlanyelo yakho ekuseni lantambama ungaphumuzi isandla sakho” (Tshu 11:6, NW)
BUKELANI IVIDIYO ETHI UNGAYEKELI UKUTSHUMAYELA—LAPHO KUVELA ITHUBA LASENDLINI NGENDLU, BESELIPHENDULA IMIBUZO ELANDELAYO:
-
Kuyini okutshengisa ukuthi uSamuel wayezama ngazo zonke izindlela ukuhlanyela inhlanyelo yeqiniso nsukuzonke?
-
Kungani kumele sizimisele ukusebenzisa zonke izindlela zokutshumayela?
-
Ezintweni ozenza nsukuzonke ngobani ongabatshela izindaba ezinhle zoMbuso?
UKUFUNDISA
Ukwenza abafundi akupheleli ekunikeni abantu amabhuku okubala. Ukuze bathuthuke ekukhonzeni kumele siphindele njalo senze izifundo zeBhayibhili labo. (1Khor 3:6-9) Kodwa kumele senzeni nxa imizamo yethu yokufundisa umuntu ngoMbuso ikhanya iphelela emoyeni? (Mt 13:19-22) Kumele siqhubeke sidinga labo abalezinhliziyo ezifanana lomhlabathi omuhle.—Mt 13:23; ImiSeb 13:48.
“Mina ngahlanyela inhlanyelo, u-Apholo wayithelela, kodwa nguNkulunkulu owayikhulisayo” (1Khor 3:6)
BUKELANI IVIDIYO ETHI UNGAYEKELI UKUTSHUMAYELA—OBALA LOKWENZA ABAFUNDI, BESELIPHENDULA IMIBUZO ELANDELAYO:
-
USolomon loMary bathelela njani inhlanyelo yeqiniso enhliziyweni ka-Ezekiel lo-Abigail?
-
Yiphi inhloso yethu nxa sitshumayela?
-
Singatshengisa njani ukuthi siyawuqakathekisa kakhulu umsebenzi wokufundisa abanye iqiniso?
