IMPILO YAMAKHRISTU
Kuyini Engikuqakathekisa Kakhulu?
UJakhobe wabindana lengilosi ukuze athole isibusiso sikaJehova. (Gen 32:24-31; Hos 12:3, 4) Thina-ke? Sizimisele yini ukulwisa ngamandla ethu wonke ukulalela uJehova besesithola isibusiso sakhe? Ngokwesibonelo, nxa kulilanga lemihlangano sizakhetha ukuya emhlanganweni loba ukusala sisebenza yini? Nxa singasebenzisa isikhathi sethu, lamandla ethu, lemali yethu ekukhonzeni uJehova yena uzasithululela ‘izibusiso esizaswela lokuthi sizithele ngaphi.’ (Mal 3:10) Uzasikhokhela njalo asivikele aphinde asinike lesikudingayo.—Mat 6:33; Heb 13:5.
BUKELANI IVIDIYO ETHI HLALA UZIMISELE UKWENZA IMISEBENZI YENKONZO, BESELIPHENDULA IMIBUZO ELANDELAYO:
-
Udadewethu walingwa njani ngento ayithandayo?
-
Umsebenzi wakho ungaba njani yisilingo?
-
Kungani kwakuqakathekile ukuthi uThimothi aqhubeke engezelela inkonzo yakhe lanxa wayeqinile ekukhonzeni?—1Ti 4:16
-
Kuyini okuqakathekisa kakhulu empilweni yakho?
Ungatshengisa njani ukuthi yiwuphi umsebenzi oqakatheke kakhulu kuwe?
