UJakhobe wayekwazi ukuthi uJehova kafuni ukuthi abantu bakhe bakhonze izithombe lanxa umthetho ophathelane lokukhonza izithombe wawungakabikhona. (Eks. 20:3-5) UJehova wathi esemtshele ukuthi abuyele eBhetheli, uJakhobe watshela bonke ayelabo ukuthi balahle izithombe zabo. UJakhobe wagqibela zonke izithombe kanye lamacici ayesetshenziswa ngabantu becabanga ukuthi ayezabavikela kumbe abalethele inhlanhla. (Gen. 35:1-4) Asithandabuzi sibili ukuthi okwenziwa nguJakhobe kwamthokozisa kakhulu uJehova.

Lamuhla, singazinikela njani kuJehova ngokupheleleyo? Singakwenza lokhu ngokuxwaya zonke izinto eziphathelane lemimoya kumbe ukukhonza izithombe. Lokhu kugoqela ukulahla loba yini ephathelane lesidimoni kanye lokuhlolisisa esizilibazisa ngakho. Ngokwesibonelo, zibuze: ‘Ngiyawathanda yini amabhuku kanye lamafilimu atshengisa izinto zesidimoni ezifanana lama-vampire loba okunye okuhambelana lalokhu? Izinto engizilibazisa ngazo zenza kukhanye angathi amasalamusi, ukuphosa loba ubuthakathi yikuzilibazisa okungelangozi yini?’ Akumelanga sizilibazise ngaloba yini ezondwa nguJehova.—Hubo. 97:10.

BUKELANI IVIDIYO ETHI “MELANANI LODEVELI,” BESELIPHENDULA IMIBUZO ELANDELAYO:

• UPalesa wahlangana labuphi ubunzima?

• Kungani kumele sidinge usizo ebadaleni bebandla nxa thina kumbe esifunda labo iBhayibhili behlaselwa ngamadimoni?

• Yiziphi izinto okumele sizilahle ngokupheleleyo nxa sifuna ukuvikelwa nguJehova?

• UPalesa wacina enzeni?

• Lapho ohlala khona, kuyini ongakwenza ukuze ungahlaselwa ngamadimoni?