KUNGANI KUQAKATHEKILE: UJehova wenza ukuthi inhlanyelo yeqiniso ikhule ezinhliziyweni zalabo “abamiselwe ukuphila okungapheliyo.” (ImiS 13:48; 1Kr 3:7) Sisebenza loJehova ekutshumayeleni ngokuncedisa labo abenza lokho abakufundayo. (1Kr 9:26) Kumele bazwisise ukuthi kuqakathekile ukuthi babhabhathizwe ukuze basindiswe. (1Pe 3:21) Sincedisa esifunda labo ukuthi babe ngabafundi ngokubafundisa ukuthi bantshintshe impilo zabo, batshumayele, bafundise futhi bazinikele kuJehova.​—Mat 28:19, 20.

INDLELA YOKUKWENZA:

• Khumbuza ofunda labo iBhayibhili ukuthi inhloso yokufunda kwenu ngeyokubanceda ‘bamazi’ uJehova njalo benze okumthokozisayo.​—Joh 17:3

• Bancedise bathuthuke ekukhonzeni njalo banqobe izilingo ezinjengokutshiya imikhuba emibi kanye labangane abangalunganga

• Bakhuthaze ngaso sonke isikhathi kungelani lokuthi abakabhabhathizwa loba sebebhabhathiziwe.​—ImiS 14:22

BUKELANI IVIDIYO ETHI UJEHOVA UNKULUNKULU UZAKUNCEDISA, BESELIPHENDULA IMIBUZO ELANDELAYO:

• Kuyini okungenza umuntu esabe ukuzinikela lokubhabhathizwa?

• Abadala bangabancedisa njani abafunda iBhayibhili ukuthi bathuthuke ekukhonzeni?

• U-Isaya 41:10 usifundisani ngoJehova?

• Kuyini okungasenza senelise ukukhonza uJehova ngendlela ayifunayo lanxa singabantu abalesono?