KUNGANI KUQAKATHEKILE: Abagcotshiweyo labezinye izimvu banxusa abantu bonke ukuthi ‘bathathe amanzi okuphila kungelambadalo.’ (Sam 22:17) Amanzi la amela konke uJehova akwenzayo ukuze akhulule abantu esonweni lasekufeni. Ukuze sincede abantu abalamasiko atshiyeneyo futhi abakholwa izinto ezitshiyeneyo, kumele sibatshele ‘izindaba ezinhle zaphakade’ ngendlela ezakhanga munye ngamunye wabo.​—Sam 14:6.

INDLELA YOKUKWENZA:

• Khetha isihloko loba umbhalo ongenza abantu bafune ukulalela ensimini yenu. Ungakhetha ingxoxo engasetshenziswa kumbe eyinye intshumayelo owake wayisebenza futhi wabona iphumelela. Yiziphi izihloko lamavesi akhanga abantu ensimini yenu? Ikhona yini indaba esematheni? Yiziphi izingxoxo ezingakhanga amadoda kumbe abesifazana?

• Qala ngokubingelela ngendlela ejayelekileyo endaweni yakini futhi ulandele lemikhuba yakhona.​—2Kr 6:3, 4

• Wazi kuhle amabhuku lamavidiyo aseBhokisini Elilamathuluzi Okufundisa ukuze wenelise ukufundisa abantu abafunayo

• Dawuniloda amabhuku loba amavidiyo ngezindimi ezikhulunywa ngabantu ongahlangana labo ensimini yenu

• Ntshintshantshintsha intshumayelo yakho kusiya ngokuthi utshumayeza bani. (1Kr 9:19-23) Ngokwesibonelo, uzathini nxa ungezwa ukuthi umninimuzi usanda kufelwa?

BUKELANI IVIDIYO BESELIPHENDULA IMIBUZO ELANDELAYO:

• Yiphi indaba ummemezeli aqalisa ukuxoxa ngayo?

• Kwakusenzakalani empilweni yomninimuzi?

• Yiphi ivesi eyayinganceda umninimuzi futhi kungani?

• Untshintshantshintsha njani intshumayelo yakho ukuze ikhange abantu abasensimini yenu?